Андреев Афанасий Дмитриевич

Афанасий Андреев 1922 сыллаахха от ыйын 1 күнүгэр Хатас нэһилиэгин Хамыйахтаах сиригэр төрөөбүтэ. Үс оҕоттон улахана этэ. 4 кылааһы бүтэрбитэ. «Кыһыл Сардаҥа» колхозка уон алта сааһыттан үлэтин саҕалаабыта.

1941—1942 сс. Саха военкомата Андреев ууһуттан Петр Егорович I, Петр Егорович II, Николайы уонна Афанасийи ыҥырбыта. Афанасий Дмитриевич 1942 сыллаахха бэс ыйын 25 күнүгэр сулууспаҕа ыҥырыллыбыта.

Челябинскайга үс ый бэлэмнэнии кэннэ фроҥҥа барбыта. 26-с гвардия мотострелковай полк иһигэр Ржев куорат кыргыһыыларыгар кыттыбыта. Ржев куорат иһин «Марс» дьайыыҕа Кыһыл Аармыйаны 9-с Модель аармыйата утарсара. 1994 сыллаахха СӨ Бырабыытылыстабата Филькино дэриэбэнэҕэ Ржев анныгар өлбүт саха буойуттарыгар мемориал туруорбута^[1].

1942 сыллаахха күһүн А. Д. Андреев бааһырбыта. Москва уобалаһын Калинин куорат эвакогоспиталыгар эмтэммитэ. 1943 сыллаахха бааһын иһин демобилизацияламмыта, дьиэтигэр төннүбүтэ. 1944 сыллаахха Кривошапкина Анастасия Филипповнаҕа кэргэн тахсыбыта. Андреевтар сэттэ оҕону иитэн таһаарбыттара. Афанасий Дмитриевич колхозка онтон совхозка 50 сылы быһа үлэлээбитэ.

Афанасий Андреев 2014 сыллаахха олунньу 14 күнүгэр өлбүтэ.

Кэргэнэ — Кривошапкина Анастасия Филипповна.

• Аҕа дойду Улуу сэриитин II-с истиэпэннээх уордьана;
• Г. К. Жуков мэтээлэ;
• «1941-1945 сс Аҕа дойду Улуу сэриинэ Германияны кыайбытын иһин» мэтээл;
• «Килбиэннээх үлэ иһин» мэтээл (1970);
• Үлэ бэтэрээнэ (1980);
• Саха АССР бастыҥ бостуука (1965);
• Коммунистическай үлэ ударнига;
• Хатас ытык олохтооҕо^[2].

• 2015 сыллаахха балаҕан ыйын 5 күнүгэр Дьокуускай куорат Мунньаҕын РЯГД-19-10 ыйааҕынан Владимировка быстах туора улууссата Андреев Афанасий Дмитриевич аатынан ааттаммыта.

• Имена на улицах Якутска: (биобиблиографический справочник) Вып. 4. — Якутск: ЦГБ, 2022. — С. 697.