Альберт Бүлүүйүскэй

Альберт Егоров 1943 сыллаахха кулун тутар 1 күнүгэр Кутанаҕа Сунтаар оройуонугар төрөөбүт. Альберт Егоров 1946 сыллаахха үс састааҕар менингииттээн имбэлиит буолбута. Кинини уҥа өттүн барытын охсор охсубут: доҕолоҥ атахтаах, онтон илиитэ тутаах да туппат буолбут. Ыарыһах буолан үөрэҕин элбэхтэ көтүтэрэ, араас оскуолаларга үөрэммит.

1950—1951 — Сиэйэ оскуолатыгар киирбит. 1952 — Кутана оскуолатыгар 0-й кылааска үөрэммит. Маҥнайгы хоһоонун суруйбут. 1953 — Кутана, Сиэйэ — 1-кы кылааска үөрэммит. 1954 — Сиэйэ — 2-с кылааска үөрэммит. 1955 — Ыалдьан үөрэммэтэх.

1956 сыллаахха Илимниир тубсанаторуйугар сытар. Ыалдьан үөрэммэтэх.

1957 сыллаахха Сунтаарга санаторнай-лесной оскуолаҕа 3-с кылааска үөрэммит.

1962—1963 — Кутана оскуолатын 8-с кылааһын 20 саастааҕар бүтэрэр. 1963—1964 — Дьокуускай куорат 2-с № -дээх оскуолатын 9-с кылааһын үөрэнээччитэ. 1965 сыллаахха 22 сааһыгар Тойбохойдооҕу орто оскуоланы бүтэрбитэ. Бу кэнниттэн кини үөрэниитэ тохтообута.

1966 сыллаахха Амма оройуонугар Амма сэлиэнньэтин бибилэтиэкэтигэр үлэлээбит (ахсынньы-муус устар ыйдар).

1970 сылга Дьокуускай куоракка «Эдэр коммунист» хаһыакка уонна Покровскайга «Кыым» хаһыакка үлэлиир.

Олоҕун устата соҕотох «Уоттаах түннүк» диэн хоһоонун хомуурунньуга тахсыбыт.

2003 сыл «Бичик» кинигэ кыһата Альберт Бүлүүйүскэй ханна да тахсыбатах айымньыларын «Дойдубар мин тыыннах эргиллиэм» диэн кинигэ оҥорон бэчээккэ таһаарбыт.

Кэлин 2021 сыллаахха А. А. Егорова «Доҕоттоор, мин сир тыыннаах киһитэбин!» диэн кинигэҕэ бэйиэт айымньыларын, суруктарын уонна кини туһунан матырыйааллары түмэн, хомуйан оҥорбута.

Альберт Егоров 1979 сыллаахха бэс ыйын 1 күнүгэр Сунтаарга өлбүтэ.

• Аҕата Егоров Семём Егорович зоотехник этэ (1910—1972).
• Ийэтэ Егорова Елена Ивановна (1922—1962).
• Балтыта Лидия Семёновна (1951—1999).
• Инитэ Семён Семёнович сэттэ сааһыгар саркоматтан (нууч.) (сах. өлбүт.
• Инитэ Герман Семёнович (1956 төр.).

• «Уоттаах түүҥҥү Дьокуускай».
• «Үчүгэй да этэ ол сайын».

• Уоттаах түннүк : хоһооннор. — Дьокуускай, 1968.
• Дойдубар мин тыыннаах эргиллиэм : хоһоон хомуурунньуга. — Дьокуускай, 2003.
• Доҕоттоор, мин сир тыыннаах киһитэбин! — Дьокуускай, 2021.

• 2008 сыллаахха бэйиэт Ангелина Шадринова — Суоһааны А. Бүлүүйүскэй туһунан ахтыыларын кинигэтэ тахсыбыта;
• 2013 сыллаахха «Тыл кыһата» эдэр литератордар түмсүүлэрэ А. Бүлүүйүскэй төрөөбүтэ 70 сылыгар анаммыт литература киэһэтин ыыппыта;
• Ол сыл филолог Антонина Христофорова бэйиэт олоҕун уонна айар үлэтин туһунан кинигэтэ бэчээттэнэн тахсыбыта^[1].