Айкаров Алексей Никитич
Айкаров Алексей Никитич (1920 сыл тохсунньу 1 күнэ, Хорула нэһилиэгэ — 1981 сыл ахсынньы 14 күнэ) — сэбиэскэй учуонай, чинччийээччи, устуоруйа билимин хандьыдаата.
Олоҕун олуктара
- 1920 сыллаахха тохсунньу 1 күнүгэр Саха уобалаһын Ньурба улууһугар Хорула нэһилиэгэр төрөөбүт.
- 1939—1942 сс. — оскуолаҕа учууталлаабыт.
- 1942—1949 сс. — партия үлэһитэ.
- 1955 с. — ССКП КК иһинэн Үрдүкү партийнай оскуоланы бүтэрбит.
- 1960 сс. — суруналыыс.
- 1960—1961 сс. — ССРС билимин Академиятын Сибиирдээҕи салаатын Дьокуускайдааҕы филиалыгар аспирант.
- 1961—1963 сс. — ЦБТИ Дьокуускайдааҕы совнархозка үрдүкү инженер.
- 1963—1964 сс. —ССРС билимин Академиятын Сибиирдээҕи салаатын Дьокуускайдааҕы филиалыгар аспирант.
- 1964—1981 сс. — тыл, литература уонна устуоруйа Институтын младшай научнай үлэһитэ.
- 1971 с. — устуоруйа билимин хандьыдаатыгар «Количественные и качественные изменения рабочего класса Якутии (1946—1958 гг.)» тиэмэҕэ суруйбут диссертациятын ситиһиилээхтик көмүскээбит.
1981 сыллаахха ахсынньы 14 күнүгэр өлбүтэ[1].
Чинчийэр үлэтэ
А. Н. Айкаров — Саха АССР үлэһит кылааһын уонна бырамыысылыннаһын устуоруйатын чинчийбитэ, 20-н тахса билим үлэтин уонна ыстатыйалары суруйан бэчээттэппитэ.
«Национальные кадры рабочего класса Якутской АССР» уонна «Творческая активность рабочего класса Якутии (1946—1970 гг.)» тиэмэлэргэ чинчийиилэри оҥорон, отчуоттары бэлэмнээбитэ.
Сүрүн үлэлэрэ
- «Изменение социального состава населения Якутии в условиях развитого социализма» в соавт. с П. И. Докторовым и А. А. Васильевым (Сб.: Численность и состав рабочих Сибири в условиях развитого социализма. 1959—1975 гг. — Новосибирск, 1977).
- «Развитие промышленности и рабочего класса. 1959—1975 гг.» (Тез. Всесоюз. конференции по развитию производительных сил. — Якутск, 1976)[1].