Ага (киинэ)
Ага (болг. Ága) — Германия, Франция, Болгария кыттыылаах устуллубут сахалыы киинэ.
Режиссер Милко Лазаров (Болгария). Продюсердар (сопродюсердар): Веселка Кирякова, Эйке Горечка, Кристоф Кукула, Гийом де Сей, Любовь Борисова (II), Сардана Саввина[1]
Саха сиригэр 2017 сыллаахха устубуттара. Биэс артыыс оонньуур, бары сахалар: Михаил Апросимов, Сергей Егоров, Феодосия Иванова («Костер на ветру» киинэҕэ дебюттаабыт артыыс) уонна Галина Тихонова.
Киинэ саха тылынан саҥарар. Премьерата 2018 сыл олунньу 23 күнүгэр Берлиҥҥэ (Германия) уонна 2018 сыл сэтинньи 21 Каирга (Египет) бэстибээллэргэ буолбут [1]. Берлиннээҕи киинэ бэстибээлигэр киинэ уһулааччылар, ол иһигэр сүрүн оруолу толорооччу Михаил Апросимов кыһыл дорожканан хаампыппыттар. Бүгүҥҥү күҥҥэ араас аан дойду киинэ бэстибээллэригэр 10 бирииһи ылла.
Саха сиригэр, Арассыйаҕа көстө илик. Арассыыйа атыыластаҕына көстүөхтээх. Францияҕа, Германияҕа, Болгарияҕа прокаакка көстө турар. Ону таһынан Канаада, Япония, Финдляндия уонна АХШ Аляска штаата көрдөрөөрү дуогабар түһэрсибиттэр. көдөрүүгэ.
Сүдьүөтэ
Хоту олорор ыал туһунан. Булчут Нанук уонна кини ойоҕо Седна туундараҕа олороллор. Седна өлөр охтуутугар сытар уонна барбыта ырааппыт кыыһын тиһэҕин көрүөн баҕарар. Кыыстара Аага дьонун быраҕан алмааһы хостуур сиргэ үлэлии барбыта быданнаабыт. Нанук буоллаҕына кыыһыгар өһүрбүтэ ааспакка кини туһунан биир да тылы быктарбат.
Оруолларга
- Михаил Апросимов – Нанук
- Феодосия Иванова – Седна
- Сергей Егоров – Чена
- Галина Тихонова – Аага
- Афанасий Клаев – суоппар
Бириистэрэ
- 2018 - Гран-при, Fajr International Film Festival (Ираан, Тегеран) (2018).
- 2018 - Гран-при, Best Film Award (Сараево).
- 2018 - Гран-при, романтикалаах киинэлэр бэстибээллэрэ. Кабур, Франция.
- 2018 - «Көмүс суор» (Золотой ворон) Аан дойдутааҕы арктика бэстибээлин бирииһэ, Анаадыр, Чукотка.
- 2019 - "Уһулуччу оператор", «Восток — Запад. Золотая арка» киинэ бириэмийэтэ[1].
- 2019 - Уһулуччу киинэ, "Көмүс лиипа" (Стара Загора, Болгария)[2]
- 2019 - Михаил Апросимов - уһулуччу оруол, The Golden Linden аан дойдутааҕы киинэ бэстибээлэ
Киинэ туһунан этиилэр
Михаил Апросимов:
Бэйэбитигэр көстүбэтэ хомолтолоох. Үлэм иһин ботуччу төлөөбүттэрэ, киһи мыыммат. "Под ключ" даача туттубутум.
Быһаарыылар
| Билэ:Film icon.svg | Бу киинэ туһунан сиппэтэх ыстатыйа. Көннөрөн уонна эбэн биэрэн УРУБИИКИ көмөлөһүөххүн сөп. |
