Нуучча тылынанАнал бырайыактар
Тылы уларыт
УРУБИИКИ ТУҺУНАН

Апросимов Михаил Михайлович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Апросимов.

Апросимов Михаил Михайлович (төр. 1950 сыл от ыйын 7 күнэ, Моорук нэһилиэгэ) — дыраама тыйаатырын, киинэ артыыһа. Саха Өрөспүүбүлүкэтин үтүөлээх артыыһа, Саха Өрөспүүбүлүкэтин суруйааччыларын сойууһун чилиэнэ.

Олоҕун олуктара

Михаил Апросимов Саха АССР Мэҥэ Хаҥалас улууһун Моорук нэһилиэгэр 1950 сыллаахха, от ыйын 7 күнүгэр төрөөбүтэ.

1974 с. М. С. Щепкин аатынан Тыйаатыр үрдүкү учуулуссатын бүтэрбитэ. 1974—1999 сс. Ньурба көс тыйаатырыгар үлэлээбитэ, 60 оруолу толорбута.

1999 сыллаахтан Ойуунускай аатынан Саха тыйаатырыгар үлэлиир.

Айар үлэтэ

Тыйаатырга

Тыйаатырга сүрүн оруоллара:

  • Арсан Дуолай — «Кыыс Дэбилийэ» олоҥхо;
  • Нараган — «Лоокуут уонна Ньургуһун» Т. Сметанин;
  • Дьэкиим — «Игра жизни» Алампа;
  • Иван кырдьаҕас — «Дьадаҥы Дьаакып» Алампа;
  • Орган — «Хаарыан хампа күөх кытылым» Ч. Айтматов;
  • Пантолене — «Король Олень» К. Гоцци;
  • Лобенгула — «Свободы жаркий день», Роман- «Кэпсээнтэн кэпсээн» С. Омоллоон;
  • доҕор — «Суор» Н.Лугинов; Чебутыкин- «Три сестры» А. Чехов;
  • Абдулла — «Расцвел бы вновь подснежник» Ф. Буляков;
  • Бальбоа — «Деревья умирают стоя» А. Касон;
  • Харлампьевич — «Случай на озере Сайсары» Е.Неймохов;
  • Крутицкай киһитэ — «На всякого мудреца, довольно простоты» А. Островскай;
  • Петр — «Власть тьмы» Л. Толстой;
  • Аверенскай — «Я вернусь…», Енохов- «Кэт Марсден. Ангел милосердия»,
  • Данилов — «Прости отец, прости…», учуутал- «Учитель», Ефремов — «Три реалиста» В. Харысхал;
  • ойуун — «Хара кыталык» Кындыл; Бакыыса — «Сын вечного неба Василий Манчаары» А. Дойду;
  • эмчит — «Король Лир» В. Шекспир;
  • Саввин- «Бүгүн эбэтэр хаһан да…» Д. Наумов;
  • Булм — «Цирк Альберти» И. Бергман;
  • Тоэк — «Дух земли» П. Ламутскай;
  • повар — «Хунны» Н. Лугинов;
  • крестьянин — «Мамаша Кураж и ее дети» Б. Брехт;
  • Николай — «Төлкө» Н. Якутскай;
  • Егор Егорович — «Максим» С. Данилов, В. Протодьяконов. Н.Лугинов, Д. Наумов, В. Харысхал, Е. Алексеев[1].

Киинэҕэ

Киинэҕэ оруоллара:

  • Хаартыһыт — «Хара мааска» реж. Н. Аржаков;
  • Ойуун- «Тыал баарын тухары» реж. С. Потапов;
  • Егор — «Травоядные» реж. С. Ермолаев;
  • 2017 сыллаахха «Ага» диэн киинэҕэ сүрүн оруолга уһуллубута;
  • Тоҥус оҕонньоро — «Угрюм-река» (2020);
  • «Белый ангел тундры» киинэҕэ оруол;
  • «Эт» киинэҕэ оруол;
  • «Призраки Якутска» (2025, реж. Константин Тимофеев)[2].

Кинигэлэрэ:

«Одун хаан оҥоһуутунан», «Сүрэхтэн сүппэт түгэннэр». Маны таһынан тыйаатыр артыыстарын туһунан ыстатыйалар ааптардара.

Дьиэ кэргэнэ

Кэргэнэ — Новгородова Валентина Васильевна (1949—2022), тыйаатыр гример-худуоһунньуга. Дьиэ кэргэн үс кыыһы төрөөн-ииппит: Елена, Оксана, Акулина[3].

Наҕараадалара уонна ытык ааттара

  • Саха Өрөспүүбүлүкэтин үтүөлээх артыыһа;
  • Саха Өрөспүүбүлүкэтин Суруйааччыларын сойууһун чилиэнэ;
  • 2019, бэс ыйа — Уһулуччу оруол — «Көмүс лиипа» (болг. Златната липа, ааҥл. The Golden Linden) аан дойдутааҕы киинэ бэстибээлэ (Стара Загора, Болгария)[4] «Ага» диэн киинэҕэ сүрүн оруолун иһин.

Быһаарыылар

  1. ↑ Саха тыйаатырын ситим-сирэ, Михаил Апросимов
  2. ↑ Михаил Апросимов. Кино-Театр.Ру. Сигэнии күнэ: 21 Атырдьах ыйын 2026.
  3. ↑ СӨ үтүөлээх артыыһыгар Михаил Апросимовка дириҥ кутурҕаммытын тиэрдэбит. Сигэнии күнэ: 15 Тохсунньу 2026.
  4. ↑ http://thegoldenlinden.com/

Категориялар