Эдьигээн улууһун гербэтэ
Саха Өрөспүүбүлүкэтин "Эдьигээн улууһа" олохтоох тэриллии гербэтэ — бу олохтоох тэриллии биир дьоһун бэлиэтэ буолар. Герб «Эдьигээн улууһа» олохтоох тэриллии улуустааҕы Мунньах 2005 сыл балаҕан ыйын 14 күнүнээҕи 112 №-дээх Быһаарыытынан бигэргэтиллибит. Российскай Федерация Гударственнай геральдическай регистрын тиһигэр 2021 №-нэн бэлиэтэммит.
Дьүһүнэ
Дьаралык төгүрүк быһыылаах щит, от күөх хонуутун ортотугар уҥа диэки хайыспыт киис турар. Герб алын өттө халлаан күөх өҥнөөх долгуннуу быһыылаах, синньигэс үрүҥ көмүс тулалааһыннаах уһуктаах; хонуутугар икки үрүҥ көмүс хатыыс утарыта ойууламмыттар.
Дьаралык баһыгар (үөһээ өттүнэн) сэттэ саха аламай таастара (муннуктарыгар туруоруллубут түөрт тэҥ өрүттээх эттиктэр, хас биирдии эттик алта өлүүгэ араарыллыбыт: кириэстии уонна икки бэйэ-бэйэлэригэр тиксэр туһааннар) кустуктуу иэҕиллэн ууруллубуттар.[1]
Ытык бэлиэ олоҕо
- Щит от күөх хонуутугар турар киис — өй-санаа күүһүн, сымсатын кэрэһилиир.
- Хатыыстар — күндү балык буолаллар, Сибиир биир аатырбыт улуу Өлүөнэ эбэтин ураты баайын көрдөрөллөр, урукку Саха уобалаһын Жиганскай куоратын 1790 сыллаахха бигэргэммит гербэтигэр ойууламмыттаахтар.
- Сэттэ аламай таастар Саха Сирин гербэтигэр баар аламай таастарга дьүөрэлии ууруллубуттара, Эдьигээн улууһун сирэ-уота Саха Өрөспүүбүлүкэтигэр киирэрин көрдөрөр.[1]
Герб ааптардара
- Матвеев Артур Матвеевич (Дьокуускай)