Нуучча тылынанАнал бырайыактар
Тылы уларыт
УРУБИИКИ ТУҺУНАН

Ыччат дьыалаларын бэдэрээлинэй ааҕыныстыбата

Ыччат дьыалаларын бэдэрээлинэй ааҕыныстыбата (нууч. Федеральное агентство по делам молодежи эбэтэр Росмолодежь) — Арассыыйа ситэриилээх былааһын бэдэрээлинэй уоргана, судаарыстыбаннай ыччат бэлиитикэтин эйгэтигэр судаарыстыбаннай өҥөлөрү оҥорор уонна судаарыстыбаннай бас билиини салайар, ыччат уопсастыбаннай тэрилтэлэрин уонна хамсааһыннарын кытта кыттыһан ыччат чөл олоҕу тутуһарыгар, ыччаты сиэрин-майгытын, төрөөбүт дойдуга бэриниилээх буоларга иитэр уонна ыччат бэйэтин идэтийбит кыаҕын олоххо киллэрэргэ туһуламмыт тэрээһиннэри ыытыһар.

undefined

Боломуочуйалара

Ыччат дьыалаларын бэдэрээлинэй ааҕыныстыбата:

  • ыччат судаарыстыбаннай бэлиитикэтин миэрэлэрин олоххо киллэрэр;
  • ыччат уонна оҕо холбоһуктарын наадыйыыларынан бу холбоһуктар каадырдарын бэлэмниир уонна хос бэлэмнээһини тэрийэр;
  • ыйыллыбыт холбоуһуктар бырайыактарын (барылларын) күрэҕин түмүгүнэн судаарыстыбаннай өйөбүл миэрэлэрин тэрийэр;
  • судаарыстыбаннай өйөбүлүнэн туһанар ыччат уонна оҕо холбоһуктарын Бэдэрээлинэй реестрин оҥорор;
  • Арассыыйа сокуонунан олохтоммут бэрээдэгинэн ыйыллыбыт эйгэҕэ судаарыстыбаннай наадыйыы сакаастаарын: табаарынан хааччыйыы, үлэни толоруу, өҥөнү оҥоруу, билим-чинчийэр, уопутунай-конструктордыы уонна тиэхиниическэй үлэлэри толорууга, ону тэҥэ ааҕыныстыба наадыытыйыытын хааччыйар сакаастарын таһаарар;
  • бэдэрээлинэй сокуоннарга, Арассыыйа Бэдэрээссийэтин бэрэсидьиэнин уонна Арассыыйа Бэдэрээссийэтин бырабыыталсытыбатын аахталарыгар олохтоммут бэрээдэгинэн уонна чэрчитинэн, бэдэрээлинэй судаарыстыбаннай былаас бэдэрээлинэй уорганнарын үлэтин толорууну хааччыйарга наадалаах бэдэрээлинэй баайга-дуолга бас билээччи боломуочуйатын толорор, ол иһигэр бэдэрээлинэй судаарыстыбаннай унитарнай тэрилтэлэргэ уонна бэдэрээлинэй судаарыстыбаннай тэрилтэлэргэ бэриллибит, агентствоҕа бас бэринэр баайга-дуолга;
  • бэдэрээлинэй целевой бырагыраамалар, билим-тиэхиниическэй уонна инновационнай бырагыраамалар уонна бырайыактар судаарыстыбаннай сакаасчык буолар;
  • олохтоммут бэрээдэгинэн омук дойдуларын судаарыстыбаннай былаас уорганнарын уонна норуоттар ардыларынааҕы тэрилтэлэри кытта ыйыллыбыт эйгэҕэ хардарыта үлэлэһэр;
  • гражданнары приемнуур, тылынан уонна суругунан ыйытыыларын толору уонна кэмигэр көрүүнү хааччыйар, быһаарыыны ылынар уонна хоруйун ыйытааччыга Арассыыйа Бэдэрээссийэтин сокуонунан олохтомут болдьоххо ыытар;
  • бэйэтин кэмпэтиэнсийэтин иһинэн судаарыстыбаннай кистэлэҥ буолар сибиэдэнньэлэр харыстаналларын хааччыйар;
  • ааҕыныстыба мобилизацияҕа бэлэмин хааччыйар уонна киниэхэ бас бэринэр тэрилтэлэр мобилиацияҕа бэлэмнэрин хонтуроуллуур уонна тэрийэн, салайан биэрэр;
  • ааҕыныстыба үлэһиттэрин хос бэлэмнэнэллэрин, квалификацияларын үрдүттэллэрин уонна стажировкаларын тэрийэр;
  • ааҕыныстыба үлэтин кэмигэр үөскээбит архыып докумуоннарын дьаһайар, бэрийэр, учуотттуур, харайар уонна туттар үлэни тэрийэр;
  • ыйыллыбыт эйгэни салайыыга уонна дьаһайыыга туһуламмыт бэдэрээлинэй бүддьүөттэн көрүллэр үбү-харчыны сириэстибэтин сүрүн тутааччы уонна тыырааччы оруолун толорор;
  • ыйыллыбыт эйгэҕэ кэнгириэстэри, кэмпэриэнсийэлэри, семинээрдэри, быыстапкалары уонна да атын тэрээһиннэри тэрийэр;
  • бэдэрээлинэй сокуоннарга, Арассыыйа Бэдэрээссийэтин бэрэсидьиэнин уураахтарыгар уонна Арассыыйа Бэдэрээссийэтин бырабыыталыстыбатын быһаарыыларынан көрүллүбүт буоллаҕына, ыйыллыбыт эйгэҕэ атын да үлэлэри толорор.

Ааҕыныстыба тутула

Ааҕыныстыба тэриллэр статуһа уонна үлэтин бырааптыы төрүттэрэ Арассыыйа Бэдэрээссийэтин бырабыыталыстыбатын 2008 сыл ыам ыйын 29 күнүнээҕи 409 №-дээх быһаарыытынан бигэргэммит балаһыанньаҕа бигэтиллибиттэр. До 21 мая 2012 сыл ыам ыйын 21 күнүгэр диэри Ыччат дьыалаларын Бэдэрээлинэй ааҕыныстыбата АБ успуорт, туризм уонна ыччат бэлиитикэтин министиэристиэтин аннынан турар этэ. 2012 сыл ыам ыйын 21 күнүттэн 2018 сыл ыам ыйын 15 күнүгэр диэри АБ үөрэхтээһин уонна билимин министиэристибэтигэр бэринэр этэ, 2018 сыл ыам ыйын 15 күнүттэн Арассыыйа Бэдэрээссийэтин Бырабыыталыстыбатыгар бэринэр.

Ааҕыныстыба салайааччылара

  • Якеменко Василий Григорьевич — 2008—2012 с.
  • Белоконев Сергей Юрьевич — 2012—2014 с.
  • Поспелов Сергей Валерьевич — 2014—2016 с.[1]
  • Паламарчук Алексей Григорьевич — 2016 с. алтынньы 7 күнүттэн салайааччы эбээһинэһин толорооччу.
  • Бугаев Александр Вячеславович — 2017 сыл кулун тутар 21 күнүттэн[2] 2021 сыл ыам ыйын 16 күнүгэр диэри[3].
  • Разуваева Ксения Денисовна — 2021 сыл ыам ыйын 17 күнүттэн[3] 2024 сыл атырдьах ыйын 14 күнүгэр диэри[4].
  • Аширов Денис Валерьевич — 2024 сыл атырдьах ыйын 14 күнүттэн салайааччы эбээһинэһин толорооччу[5].
  • Гуров Григорий Александрович — 2024 сыл балаҕан ыйын 14 күнүттэн[6].

Бэдэрээлинэй бырагыраамалар

  • «Эн — урбаанньыккын» — ыччат урбаанын сайыннарар бэдэрээлинэй бырайыак.
  • «Суолта сирэ-уота/Территория смыслов» — 2015 сыллаахха «Селигер» форум оннугар тэриллибит Бүтүн арассыыйатааҕы ыччат үөрэҕин форума.
  • «Роспатриотцентр» — гражданнары дойдунаат иэйиитигэр иитии 2016—2020 сс. барыла. Дойдуларынан киэн туттар арассыыйа олохтоохторун ахсаанын 8%-нан, аармыйаҕа ыҥырыллааччылар ахсаанын 10 % үрдэтэр соруктаах. — числа призывников в армию. Оҕолор уонна ыччат «судаарыстыба бэлиэлэрин — дьаралыгы, дуоҕаны, гиимни, Аҕа дойду устуоруйалыы пааматынньыктарын уонна бэлиэлэрин ытыктыыр, киэн туттар санааларын үрдэтии».
  • «Арассыыйа устуоруйатын күннүгэ»[7][8] — устуоруйалыы-патриоттуу бырайыак. Устуоруйа түгэннэрин билиини сырдатар, киэҥ араҥаҕа таһаарар соруктаах. Куйаар ситимигэр ыытыллар. Бырайыах туһунан иһитиннэриини «Оҕолору уонна ыччаты гражданин уонна патриот быһыытынан иитии Арассыыйатааҕы киинэ» бэдэрээлинэй судаарыстыбаннай бүддьүөт тэрилтэтин (ББСТ «Роспатриотцентр») эрэгийиэннээҕи кииннэрэ тарҕаталлар.

Форумнуу хампаанньалар

2015 сыллаахха атырдьах ыйын 20 күнүгэр Роспатриотцентр тэрээһининэн Крым куоракка «Таврида» бүтүн арассыыйатааҕы ыччат форума буолбута. Форум сыала — ыччат ортотугар патриоттуу санаанын пропагандалааһын. Эһиилигэр буолбут эмиэ маннык форумҥа арассыыйа бэрэсидьиэнэ В. В. Путин кыттыбыта. Кэккэ тэрээһиннэргэ сылдьыбыта уонна форум кыттыылаахтарын кытта кэпсэппитэ[9].

2025 сыллаахха сэтинньигэ Ямалга Бүтүн арассыыйатааҕы Хоту, Сибииргэ уонна Уһук Илиҥҥэ олохтоох аҕыйах ахсааннаах норуоттар ыччаттарын «Российский Север» форума буолбута. Форумҥа «Бастакылар хамсааһыннара» уопсастыбаннай үлэһиттэрэ уонна көхтөөх кыттааччылара мустубуттара[10].

Быһаарыылар

  1. ↑ Председатель Правительства Российской Федерации Дмитрий Медведев назначил новым главой Федерального агентства по делам молодёжи Поспелова С. В. Сигэнии күнэ: 22 Ахсынньы 2025.
  2. ↑ Медведев назначил Александра Бугаева главой Росмолодёжи. Сигэнии күнэ: 22 Ахсынньы 2025.
  3. ↑ 1 2 В. Кузьмин. Мишустин назначил главой Росмолодежи Ксению Разуваеву. Российская газета (17 Ыам ыйын 2021). Сигэнии күнэ: 16 Ахсынньы 2025.
  4. ↑ Мишустин уволил главу Росмолодежи, РБК. Сигэнии күнэ: 16 Ахсынньы 2025.
  5. ↑ Мишустин принял отставку Разуваевой с поста главы Росмолодежи, TACC. Сигэнии күнэ: 16 Ахсынньы 2025.
  6. ↑ Мишустин назначил Григория Гурова новым главой Росмолодежи - Российская газета, Российская газета (14 Балаҕан ыйын 2024). Сигэнии күнэ: 16 Ахсынньы 2025.
  7. ↑ Письмо Руководителя Федерального агентства по делам молодёжи («Росмолодёжь») руководителю историко-патриотического проекта «Дневник Истории России». Сигэнии күнэ: 22 Ахсынньы 2025.
  8. ↑ Историко-патриотический проект «Дневник Истории России». Сигэнии күнэ: 22 Ахсынньы 2025.
  9. ↑ Посещение молодёжного форума «Таврида», Президент России. Сигэнии күнэ: 16 Ахсынньы 2025.
  10. ↑ На Ямале форум молодежи коренных народов соберет 100 активистов "Движения первых". tass.ru. ТАСС (22 От ыйын 2025). Сигэнии күнэ: 16 Ахсынньы 2025.

Сигэлэр

Категориялар