Шестаков Егор Петрович
Егор Петрович Шестаков — Эрчимэн (1927 сыл ыам ыйын 31 күнэ, Мэҥэ Хаҥалас улууһа, Саха АССР — 1996 сыл кулун тутар 7 күнэ) — бэйиэт, литератураны ырытааччы.
Олоҕун олуктара
1927 сыллаахха ыам ыйын 31 күнүгэр Мэҥэ улууһун Бастакы Холгума нэһилиэгэр төрөөбүтэ.
Дьокуускайдааҕы уус-уран училищены, М. Горький аатынан Литературнай институту (1965) бүтэрбитэ. Оскуолаҕа учууталынан, холкуос бэрэссэдээтэлинэн талыллан үлэлээбитэ, хас да сыл устата Дьокуускайдааҕы педагогика училищетыгар преподавателинэн үлэлээбитэ. 1966 сылтан — Саха судаарыстыбаннай университет саха тылын уонна литературатын кафедратын старшай преподавателэ. Олоҕун тиһэх сылларыгар «Чолбон» сурунаал отделын сэбиэдиссэйинэн үлэлээбитэ.
1966 сылтан — Саха государственнай университетыгар саха тылын уонна литературатын кафедратыгар старшай преподаватель.
«Чолбон» сурунаалга салаа сэбиэдиссэйинэн үлэлээбитэ.
1996 сыллаахха кулун тутар 7 күнүгэр күн сириттэн барбыт.
Айар үлэтэ
Айымньылара 1950 сылтан бэчээттэммиттэр. Кэпсээннэрин бастакы кинигэтэ «Аргыс тыал» 1960 сыллаахха күн сирин көрбүтэ. Иккис кинигэтэ — хоһооннорун хомуурунньуга «Этиллибэтэх таптал».
Е. Шестаков саха литературатын сайдыытын кыһалҕалаах боппуруостарыгар уонна саха бөдөҥ суруйааччыларын айар үлэлэригэр анаммыт литературнай-критическэй ыстатыйалар хомуурунньуктарын ааптара буолар. Эрчимэн ыстатыйаларыгар киэҥ матырыйаалы туһаныы, дириҥ ырытыы, ураты көрүүлэр уонна полемика тынааһына ураты өрүү биллэллэр. Кини ону таһынан оҕолорго анаммыт кинигэлэр ааптардара буолар.
Наҕараадалара уонна ытык ааттара
- Саха Өрөспүүбүлүкэтин култууратын үтүөлээх үлэһитэ.
Кинигэлэрэ, ыстатыйалара
- Аргыс тыал: Кэпсээннэр. — Дьокуускай: Кинигэ изд-вота, 1960. — 112 с.
- Этиллибэтэх таптал: Хоһооннор, поэмалар. — Дьокуускай: Кинигэ изд-вота, 1963 — 55 с.
- Оттойо ойууһут: Кыра оҕолорго хоһооннор.— Дьокуускай: Кинигэ изд-вота, 1969. — 13 с.
- Этиҥээх түүн: Былыргы олохтон сэһэн. Кыра саастаах оскуола оҕолоругар. — Дьокуускай: Кинигэ издат-вота, 1975. — 27 с.
- Сырдык сыллар: Хоһооннор, балладалар, поэмалар. — Дьокуускай: Кинигэ издат-вота, 1988. — 189 с.
- Хара таас: поэмалар. — Дьокуускай: Кинигэ издат-вота, 1992. — 40 с.
- Аһаҕас санаалар: Ыстатыйалар, рецензиялар. — Дьокуускай: Кинигэ издат-вота, 1968. — 155 с.
- Арай мин умайбат буолуум. — Дьокуускай: Кинигэ издат-вота, 1973. — 224 с.
- Өрүөл кэриэһэ: Ыстатыйалар. — Дьокуускай: Кинигэ издат-вота, 1977. — 142 с.
- Аһаҕас санаалар. — Дьокуускай: Бичик, 1999. — 256 с.
Кини туһунан
- Лугинов Н. Эрчимэн: 60 сааһын туолуутугар // «Хотугу сулус». — 1988. — № 5. — с.96.
Быһаарыылар
Сигэлэр
Якутский государственный литературный Музей имени П. А. Ойунского: Шестаков Егор Петрович — Эрчимэн
| Бу суруйааччыга сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп. |