Нуучча тылынанАнал бырайыактар
Тылы уларыт
УРУБИИКИ ТУҺУНАН

Спиридонов Илья Константинович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Спиридонов.

Спиридонов Илья Константинович (1913 сыл атырдьах ыйын 10 күнэ, Анаабыр улууһа, Саха АССР — 1975 сыл алтынньы 10 күнэ, Үрүҥ Хайа[d], Саха АССР) — табаһыт, Анаабыр улууһун Ворошилов аатынан холкуоһун табаһыттарын биригэдьиирдэрэ, Социалистыы Үлэ Дьоруойа.

Олоҕун олуктара

1913 сыллаахха атырдьах ыйын 10 күнүгэр[1] Анаабыр туундаратыгар төрөөбүт[2]. Дьоно Сындааскыттан (Таймыыр) төрүттээхтэр эбит.

1938 сыллаахха Марина Саввична Тупринаны кэргэн ылбыт, уон оҕоттон сэттэтэ эрэ тыыннаах хаалбыттар.

1941 сыллаахха Анаабыр улууһун Ворошилов аатынан колхуоска киирбит. 1946 сыллаахха табаһыттар биригэдьиирдэринэн анаммыт.

1954—1956 сыллардаахха кини салайар биригээдэтэ таба үөрүн ахсаанын 100 % чугас төрүөҕү ситиспит.

ССРС Үрдүкү Сүбэтин Президиумун 1957 сыл алтынньы 1 күнүнээҕи Ыйааҕынан Спиридонов Илья Константиновичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт[3].

1958 сыллаахха ССКП-гар киирбит. Пенсияҕа тахсыбытын кэннэ Үрүҥ Хайа сэлиэнньэтигэр олорбут.

Алтынньы 10 күнүгэр 1975 сыллаахха өлбүт[4].

Наҕараадалара уонна ытык ааттара

Аатын үйэтитии

  • Үрүҥ Хайа сэлиэнньэтигэр бүүс туруоруллубут;
  • Сыл аайы тыа хаһаайыстыбатын орто анал уонна үрдүк үөрэхтэр биэс бастыҥ студеннарыгар И. К. Спиридонов аатынан стипендия ананар;
  • Анаабыр улууһун Үрүҥ Хайа нэһилиэгин таба иитэр хаһааыйыстыбата И. К. Спиридонов аатын сүгэр;
  • 2007 сыл Анаабыр улууһугар И. К. Спиридонов сылынан биллэриллибит[4];
  • 2022 сыллаахха «Саха АССР 100 сылыгар 100 ааттаах алмаас» бырайыак чэрчитинэн Алроса «Удачная» туруупкаттан хостообут 62,41 караттаах бөдөҥ алмааска Социалистыы үлэ Дьоруойун Спиридонов Илья Константинович аата иҥэриллибит[5].

Быһаарыылар

  1. ↑ [http://nlib.sakha.ru/Resoures/Data/Bibl_Assist/Calendar/2003/8.shtml Календарь знаменательных и памятных дат "Якутия-2003"] (рус.) (20161101231440). Сигэнии күнэ: 26 Олунньу 2026.
  2. ↑ Дьоруой Ылдьаа — первый Герой Соцтруда среди оленеводов. Сигэнии күнэ: 26 Олунньу 2026. Архивировано 16 Сэтинньи 2019 года.
  3. ↑ Указ Президиума Верховного Совета СССР от 1 октября 1957 года. Сигэнии күнэ: 26 Олунньу 2026. Архивировано из оригинала 4 Кулун тутар 2016 года.
  4. ↑ 1 2 Спиридонов Илья Константинович. warheroes.ru. Сигэнии күнэ: 26 Олунньу 2026.
  5. ↑ Алмаз весом 62,41 карата назвали в честь Героя Соцтруда Ильи Спиридонова — ЯСИА, Новости Якутии и Якутска — свежие новости онлайн на сайте ysia.ru — ЯСИА (24 Олунньу 2022). Сигэнии күнэ: 26 Олунньу 2026.

Литература

  • Герои Социалистического Труда Якутской АССР: Биобиблиогр. справ. — Якутск, 1987. — С. 142—143

Категориялар