Социальнай суолталаах сервистэр реестрдэрэ

Социальнай суолталаах сервистэр реестрдэрэ (эбэтэр ситим-сирдэр «Маҥан испииһэктэрэ»; нууч. Реестр социально значимых сервисов) — Арассыыйа Минцифрата сүбэлээбит бырайыага. Бырайыакка мобильнай куйаар-ситим араарыллар түгэнигэр үлэлиэхтээх ситим-ресурстар киирэллэр^[1]. СМИ суруйалларынан, бу испииһэккэ 57 сервиc киирбитэ^[2]. Испииһэккэ Арассыыйа саамай бөдөҥ хампаанньалара бааллар: VK, Яндекс, Сбербаан, ВТБ, Озон, Wildberries, Avito, Rutube, РЖД уонна Арассыыйа Почтатын сервистэрэ, ону таһынан РИА Новости, РБК курдук сорох сүрүн СМИ-лэр. Ону тэҥэ испииһэккэ Госдума, Совфед, Генпрокуратура уонна ЫБММ ситим-сирдэрэ киириэхтэрэ^[3].

Минцифра бу испииһэк аһаҕас уонна кэлин толоруллан иһиэ диэн иһитиннэрбитэ^[4][5]. Ону тэҥэ, бу биэдимистибэ «Фонбет» диэн букмекерскай контора эбиллиэ диэн сураҕы хардарбыттара^[6][7]. 2025 сыл балаҕан ыйыгар Сыыппара сайдыы, ситим уонна маассабай коммуникация министиэристибэтэ мобильнай куйаар-ситим хааччахтанар түгэнигэр үлэлиэхтээх ситим-сирдэр «маҥан испииһэгэ» нэдиэлэ аайы саҥардыллан иһиэ диэн биллэрбитэ. Биэдимэстэбэ баһылыга Максут Шадаев Kazan Digital Week пуорумугар суруналыыстарга эппитинэн, бу испииһэк дьон саамай элбэхтик киирэр ресурсаларын рейтининэн оҥоһуллар уонна маннык сервистэри хабар: «Госуслуги», «Яндекс», «ВКонтакте», «Одноклассники», «Mail.ru», «Max» диэн национальнай мессенджер, Ozon уонна Wildberries маркетплейстар, Avito, «Дзен», Rutube, «Мир» төлөбүр систиэмэтин ситим-сирэ, Бырабыыталыстыба уонна Бэрэсидьиэн ситим-сирдэрэ, социальнай карталар, ыраахтан электроннай куоластааһын (нууч.) (сах. федеральнай площадкатын, ону таһынан, саамай бөдөҥ сибээс оператордарын ресурсалара киирэллэр^[8].