Силин Александр Семёнович
Александр Семёнович Силин (1914 сыл балаҕан ыйын 21 күнэ, Маҕан, Саха АССР — 2017) — Аҕа дойду Улуу сэриитин кыттыылааҕа, Саха Сирин уһун үйэлээх олохтооҕо.
Олоҕун олуктара
Александр Силин 1914 сыллаахха балаҕан ыйын 21 күнүгэр Маҕаҥҥа төрөөбүт. 1924 сыллаахха тулаайах хаалан, кыра быраатын кытта «Коммунист» оҕо дьиэтигэр иитиллибит.
1931 сылтан Мархаҕа «Прогресс» тыа хаһаайыстыбатын артыалыгар үлэлээбит. Трактористар куурустарын бүтэрэн баран, 1935 сылга дылы Дьокуускайдааҕы МТС-ка үлэлээбит.
1935 сыллаахха Дьокуускайдааҕы үп техникумугар 9 ыйдаах кууруска үөрэххэ киирбит. Бүтэрээт, Мэҥэ-Хаҥалас уонна Өлүөхүмэ улуустарыгар бухгалтерынан үлэлээбит.
1944 сыллаахха Кыһыл Аармыйа кэккэтигэр ыҥырыллан Илиҥҥи фроҥҥа сулууспалаабыт. ССРС Японияны утары кыргыһыыларыгыр кыттыбыт.
Аармыйа кэнниттэн 1946 сыллаахха Саха АССР үбүн министерствотыгар ревизорынан үлэлээбит.
1949—1969 сс. — Саха АССР Миниистирдэрин Сүбэтин аппаратыгар үлэлээбит.
1969—1986 сс. — «Стройремонт» трест материальнай-техническэй хааччыйыытын салалтатын начальнига.
Наҕараадалара уонна ытык ааттара
- Аҕа дойду сэриитин II ст. уордьана (06.04.1985)[1]
- «Бойобуой өҥөлөрүн иһин» мэтээл
- «Японияны кыайыы иһин» мэтээл
- «Аҕа дойду сэриитигэр 1941—1945 сс. килбиэннээх үлэ иһин» мэтээл
- Саха АССР норуотун хаһаайыстыбатын үтүөлээх үлэһитэ (1990)
- Дьокуускай ытык киһитэ (2005)[2]
- Саха Өрөспүүбүлүкэтин ытык бэтэрээнэ
- «Үйэ саас» ытык бэлиэ (17.09.2014)[3]
- Саха Өрөспүүбүлүкэтин Баһылыгын Ытык грамотата (15.09.2014)[4]
Аатын үйэтитии
- 2014 сыллаахха Саҥа-Николаевскай оскуола саамай кырдьаҕас үөрэнээччитигэр Александр Силиҥҥа анаммыт өйдөбүл дуоскатын арыйыы ааспыта (манна 1925-26 үөрэх сылларыгар 1914 сыллаах төрүөх Силин Александр Семёнович үөрэммитэ)[5].
Быһаарыылар
Сигэлэр
- В 2014 году в Якутии отмечаем 100-летие четырех человек
- О. Петровская. Александр Силин — самый старший фронтовик в Якутске // Якутия : хаһыат. — 08.05.2014. — № 80.