Нуучча тылынанАнал бырайыактар
Тылы уларыт
УРУБИИКИ ТУҺУНАН

Сафронов Михаил Григорьевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Сафронов.

Сафронов Михаил Григорьевич (1916 сыл сэтинньи 24 күнэ, Малдьаҕар нэһилиэгэ — 1993 сыл муус устар 16 күнэ, Дьокуускай) — саха сэбиэскэй учуонайа, ветеринария билимин дуоктара, профессор. Дьокуускайдааҕы тыа хаһаайыстыбатын чинчийэр институт дириэктэрэ (1960—1988).

Олоҕун олуктара

1916 сыллаахха сэтинньи 24 күнүгэр Ньурба улууһун Малдьаҕар нэһилиэгэр дьадаҥы дьиэ кэргэҥҥэ төрөөбүт. 1934 сыллаахха Малдьаҕар оскуолатыгар 6 кылааһы бүтэрбит.

1938 сыллаахха Дьокуускайга тыа хаһаайыстыбатын рабфагын ситиһиилээхтик үөрэнэн бүтэрбит. Москватааҕы К. А. Тимирязев аатынан тыа хаһаайыстыбатын академиятыгар үөрэххэ ыыппыттар.

Үөрэҕин ситэрэ илигинэ, 1941 сыллаахха Кыһыл Аармыйаҕа ыҥырыллан, Байыаннай-ветеринарнай Академия үһүс кууруһугар үөрэххэ ыытыллыбыт. 1942 сыллаахха ветеринарнай сулууспа солотун ылан Уһук Илиҥҥи фроҥҥа 1950 сыллаахха дылы сулууспалаабыт. 1949 сыллаахха сулууспатын кэмигэр кэтэхтэн үөрэнэн Новосибирскайдааҕы тыа хаһаайыстыбатын институтун бүтэрбит.

1950 сылтан — Дьокуускайдааҕы ветеринарнай станция дириэктэрэ.

1955 с. — ветеринария билимин хандьыдаата.

1960 сылтан — Дьокуускайдааҕы тыа хаһаайыстыбатын чинчийэр институтун дириэктэрэ, Саха АССР тыатын хаһаайыстыбатын миниистирин солбуйааччыта, Саха АССР Үрдүкү Сүбэтин Президиумун чилиэнэ.

1972 с. — дуоктар диссертациятын көмүскээбит.

1974 с. — профессор аата иҥэриллибит.

1988—1993 сс. — Дьокуускайдааҕы тыа хаһаайыстыбатын чинчийэр институт сүрүн научнай үлэһитэ.

1993 сыллаахха муус устар 16 күнүгэр өлбүт.

Наҕараадалара уонна ытык аттара

  • «1941-1945 сс. Аҕа дойду Улуу сэриитигэр Германияны кыайыы иһин» мэтээл";
  • «Японияны кыайыы иһин» мэтээл[1];
  • Аҕа дойду сэриитин II ст. уордьана;
  • Икки «Бочуот Бэлиэтэ» уордьан;
  • Саха АССР үтүөлээх ветеринарнай бырааһа;
  • ВДНХ Кыһыл көмүс мэтээлэ (1968 сыллаахха бэчээттэммит «Система ведения сельского хозяйства Якутской АССР» кинигэтин иһин).

Дьиэ кэргэнэ, аймахтара

  • Ойоҕо — Сафронова Татьяна Владимировна.
  • Оҕолоро, 4 уоллаах:
Сафронов Валерий Михайлович (төр. 1948) — учуонай-биолог, билим доктора.

Аатын үйэтитии

  • М. Н. Сафронов аатын Саха сиринээҕи тыа хаһаайыстыбатын билим-чинчийэр института (ЯНИИСХА) сүгэр[2];
  • 2016 сыллаахха М. Г. Сафронов 100 сылыгар аналлаах «Сафронов ааҕыылара» диэн бастакы өрөспүүбүлүкэтээҕи билим-практическай конференция ыытыллыбыт[3].

Сигэлэр

  1. ↑ САФРОНОВ МИХАИЛ ГРИГОРЬЕВИЧ. Сигэнии күнэ: 30 Муус устар 2026. Архивировано 11 Балаҕан ыйын 2021 года.
  2. ↑ ЯНИИСХ | Сибирское отделение Российской академии наук (СО РАН) (рус.). www.sbras.ru. Сигэнии күнэ: 30 Муус устар 2026.
  3. ↑ «Софроновские чтения». Сигэнии күнэ: 30 Муус устар 2026. Архивировано 11 Балаҕан ыйын 2021 года.

Категориялар