Нуучча тылынанАнал бырайыактар
Тылы уларыт
УРУБИИКИ ТУҺУНАН

Самсонов Николай Георгиевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Самсонов.

.

Самсонов Николай Георгиевич (1925 сыл от ыйын 23 күнэ, Ньурба улууһа — 2012 сыл ыам ыйын 28 күнэ, Дьокуускай) — тыл үөрэҕин билимин хандьыдаата, СГУ профессора, Духуобунас Академиятын чилиэнэ, Аҕа дойду Улуу сэриитин кыттыылааҕа.

Олоҕун олуктара

1925 с. от ыйын 23 күнүгэр Ньурбаҕа Антоновка сэлиэнньэтигэр төрөөбүт.
1943 с. Кыһыл Аармыйаҕа ыҥырыллан II Украинскай фроҥҥа сэриилэспитэ, аармыйа разведчига этэ. Кыайыыны Прагаҕа көрсүбүтэ. Онтон Японияны кытта сэриигэ сылдьыбыта, Порт Артурга тиийбитэ. Бойобуой үтүөлэрин иһин Албан аат III истиэпэннээх уордьанынан, үгүс мэтээллэринэн (ол иһигэр Чехословакия, Польша) наҕараадаламмыта[2].
Балтыларыгар Розаҕа, Клараҕа 1945 сыллаахха муус устар 24 күнүгэр суруйбут суругар: «Манчжурияҕа сылдьабын, орто оскуола таһымынан үөрэниэн баҕалаахтар бойобуой уонна политическай бэлэмнэнии кэнниттэн үөрэниэхтэрин сөп диэн ыйыы кэллэ. Мин үөрэнэр санаалаахпын, а. э. 8—10 кылаастар матырыйаалларын хатылыыр» — диэбит.
2012 сыллаахха ыам ыйын 28 күнүгэр ыалдьан өлбүтэ.

Наҕараадалара уонна ытык ааттара

  • Албан аат III ст. уордьана (28.09.1945)[3]
  • Аҕа дойду сэриитин I ст. уордьана (21.02.1987)[4]
  • «Праганы босхолооһун иһин», «Германияны кыайыы иһин», «Японияны кыайыы иһин» мэтээллэр
  • Дьокуускай куорат ытык киһитэ[5] (2003)
  • Саха Өрөспүүбүлүкэтин ытык киһитэ[6] (2005)

Аатын үйэтитии

  • Саха Өрөспүүбүлүкэтин баһылыгын ыйааҕынан 2013 сыллаахха нуучча тылын үөрэтиигэ уонна сайыннарыыга кылаатын иһин профессор Николай Георгиевич Самсонов аатынан Бириэмийэ олохтоммута, сыл аайы Саха Өрөспүүбүлүкэтин Баһылыга устудьуоннарга уонна учуонайдарга туттарар[7].

Быһаарыылар

  1. ↑ 1 2 3 4 5 Samsonov, Nikolaj Georgijevič // Чешская национальная авторитетная база данных
  2. ↑ Өлбөөдүйбэт үйэ аҥаара. М. Г. Старостин. — Дь.: Бичик, 1995.
  3. ↑ Карточка награждённого в электронном банке документов «Подвиг Народа»
  4. ↑ Карточка награждённого в электронном банке документов «Подвиг Народа»
  5. ↑ Официальный информационный портал Республики Саха (Якутия):Городской округ «Якутск»: Почетные граждане
  6. ↑ Официальный информационный портал Республики Саха (Якутия): Почетные граждане Республики Саха (Якутия)
  7. ↑ Постановление Правительства Республики Саха (Якутия) от 24 мая 2013 г. N 168 "О премии имени профессора Николая Георгиевича Самсонова". Гарант (24 Ыам ыйын 2013). Сигэнии күнэ: 6 От ыйын 2026.

Туһаныллыбыт сирдэр

Категориялар