Рыкунов Николай Михайлович
Рыкунов Николай Михайлович (1936 сыл сэтинньи 23 күнэ, Бастакы Хомустаах нэһилиэгэ — 1995 сыл муус устар 8 күнэ) — саха сэбиэскэй суруйааччыта, бэйиэт, суруналыыс. 1985 сылтан ССРС Суруйааччылар Сойуустарын чилиэнэ.
Олоҕун олуктара
1936 сыллаахха сэтинньи 23 күнүгэр Нам улууһун Бастакы Хомустаах нэһилиэгэр төрөөбүт.
Оскуоланы бүтэрэн баран Сэбиэскэй Аармыйа кэккэтигэр сулууспалаабыт.
1959 сыллаахха Дьокуускайдааҕы педагогика училищетын, онтон 1964 сыллаахха СГУ устуоруйа-тыл факультетын саха салаатын бүтэрбит.
Мэҥэ Хаҥалас улууһун Дьабыыл оскуолатыгар үөрэтээччинэн үлэлээбит. 1965 сылтан Нам улуустааҕы хаһыатыгар эрэдээктэр солбуйааччытынан, эрэдээктэринэн үлэлээбит.
1995 сыллаахха муус устар 8 күнүгэр өлбүт[1][2].
Айар үлэтэ
Кини хоһоонноро аан маҥнай 1954 сыллаахха «Эдэр коммунист» хаһыакка тахсыбыттар.
1962 сыллаахха «Хатыҥ ырыата» диэн бастакы хомуурунньуга тахсыбыт. «Дьол сулуһа», «Кэбиһиилээх оттор», «Стойбище стихов» уо.д.а. хомуурунньуктар ааптардара.
1982 сыллаахха «Лыжный след» диэн ньууччалыы тылынан хомуурунньуга тахсыбыт (С. Кузнецова тылбааһа). Айар үлэтин биир сүрүн тиэмэтинэн БАМ, Нүөрүҥгүрү куорат тутуута, космоска көтүү буолбуттар[1][2].
Библиографията
- Хатыҥ ырыата. Хоhооннор, поэма. — Дьокуускай, 1962.
- Дьол сулуһа. Хоhооннор, поэмалар. — Дьокуускай, 1969.
- Кэбиһиилээх оттор. Хоhооннор, поэмалар. — Дьокуускай, 1975.
- Лыжный след. Стихи. / Пер. С.Кузнецовой. — Якутск, 1982[1].
Аатын үйэтитии
- Нам улууһун бибилэтиэкэтэ бэйиэт аатын сүгэр.