Рожин Иван Васильевич
Рожин Иван Васильевич (1938 сыл тохсунньу 22 күнэ, Тиит-Арыы, Саха АССР — 2023 сыл кулун тутар 16 күнэ) — саха бастакы дипломаата, Саха АССР норуотун хаһаайыстыбатын үтүөлээх үлэһитэ, Хаҥалас улууһун ытык киһитэ[1].
Олоҕун олуктара
Иван Рожин 1938 сыллаахха тохсунньу 22 күнүгэр Орджоникидзевскай оройуон Тиит-Арыытыгар төрөөбүт.
Сэбиэскэй Сойуус Тас дьыалаларын министиэристибэтин Үрдүкү дипломатическай оскуолатын бүтэрбитэ. Үөрэҕин кэнниттэн кинини ССРС МИД-ын Кытайы уонна Азия-Чуумпу далай эрэгийиэнин дойдуларын курируйдуур Бастакы Уһук Илин отделыгар үлэҕэ ылаллар. Кини саха норуотуттан бастакы идэтийбит дипломат буолбута[2].
1991 сылтан Саха сирин ЮНЕСКО дьыалаларыгар Национальнай кэмитиэтин бэрэссэдээтэлин сүбэһитинэн үлэлээбитэ. ССРС Тас дьыалаларын министиэристибэтин линиятынан хас да төгүл Сэбиэскэй Сойуус тас дойдулардааҕы посольстволарыгар — Кытайга, Танзанияҕа, Вьетнамҥа, Нигерияҕа — өр кэмнээх командировкаларга сылдьыбыта. Саха Өрөспүүбүлүкэтин РФ Бэрэсидьиэнин иһинээҕи Уларыйбат бэрэстэбиитилин норуоттар ыккардыларынааҕы бииргэ үлэлээһин боппуруостарыгар сүбэһитинэн үлэлээбитэРожин Иван Васильевич - первый якутский профессиональный кадровый дипломат Республики Саха (Якутия). Сигэнии күнэ: 19 Олунньу 2026..
Наҕараадалара
- «Саха Өрөспүүбүлүкэтин норуотун хаһаайыстыбатын үтүөлээх үлэһитэ» бочуоттаах аат;
- «Хотугу сулус» уордьана;
- Саха Өрөспүүбүлүкэтин Бэрэсидьиэнин уонна Бырабыытылыстыба грамоталара;
- Ил Түмэн Бочуоттаах грамотата;
- Саха Өрөспүүбүлүкэтин судаарыстыбаннай гражданскай сулууспатын туйгуна;
- Саха Өрөспүүбүлүкэтин култууратын туйгуна;
- Саха Өрөспүүбүлүкэтин бочуоттаах ветерана;
- Саха Өрөспүүбүлүкэтин бочуоттаах кырдьаҕаһа;
- Хаҥалас улууһун уонна Тит-Арыы нэһилиэгин ытык олохтооҕо;
- ССРС элбэх мэтээллэрэ;
- Арассыыйа МИД-ын бочуоттаах бэлиэтэ.
Быһаарыылар
Литэрэтиирэ
- Судьба дипломата, «Якутия» хаһыат, 27.01.2008, Бельский С.