Нуучча тылынанАнал бырайыактар
Тылы уларыт
УРУБИИКИ ТУҺУНАН

Протопопова Нина Иннокентьевна

Протопопова Нина Иннокентьевна (1927 сыл олунньу 18 күнэ, Бүлүү улууһа, Саха АССР — 2015 сыл балаҕан ыйын 26 күнэ) — суруналыыс, уопсастыбаннай деятель.

Олоҕун олуктара

Нина Протопопова 1927 сыллаахха олунньу 18 күнүгэр Бүлүү улууһун Уотту нэһилиэгэр төрөөбүтэ.

Саха судаарыстыбаннай университетын историяҕа салаатын бүтэрбитэ.

1959 с. «Бэлэм буол» хаһыат сэрии кэнниттэн аан бастаан тахсыбыта. Эрэдээксийэҕэ Протопопованы ыҥырбыттара.

1961 сылтан 2011 сылга диэри «Бэлэм буол», «Кэскил», «Юность Севера» хаһыаттар кылаабынай эрэдээктэринэн үлэлээбитэ.

1988 с. хаһыат нууччалыы эмиэ тахсар буолбута. 1992 с. «Учуутал аргыһа» диэн икки тылынан тахсар хаһыат баар буолбута[1]. Билигин урукку пионер хаһыаттара «Кэскил» уонна «Юность Севера» диэн аатынан тахсаллар.

Кини Сэбиэскэй Сойуус Дьоруойа Н. А. Кондаков аатынан анал стипендиялары Бүлүүтээҕи педагогическай училище устудьуоннарыгар, ону кытта бу улуус Хампа уонна Дьөккөн орто оскуолаларын үөрэнээччилэригэр олохтообута. Сэбиэскэй Сойуус Дьоруойа Н. А. Кондаков бирииһигэр көҥүл тустууга уонна мас тардыһыытыгар сыл аайы ыытыллар аһаҕас өрөспүүбүлүкэтээҕи турнирдар сүрүн спонсордара этэ.

Кинигэлэрэ

  • Долгун курдук куугунаан… (Саха Сирин пионерскай тэрилтэтин 1924—1927 сыллардааҕы историятыттан). Н. Протопопова, М. Дьячковская, Н. Дмитриев. — Дьокуускай: Кинигэ кыһата, 1982.
  • Оҕо сааһы оҕуурдаан тутаммыт. Н. Протопопова, Н. Дмитриев. — Дьокуускай: Кинигэ кыһата, 1984.
  • Тимур сулустара (Саха сирин пионерскай тэрилтэтин 1937—1945 сыллардааҕы историятыттан). Н. Протопопова, Н. Дмитриев. — Дьокуускай: Кинигэ кыһата, 1985.
  • Айыы Далбар Хотуна (үс кинигэлээх). — Дьокуускай: Бичик, 1999—2003.
  • Эдьиий Дора. — Дьокуускай: Бичик, 2002.

Наҕараадалара уонна ытык ааттара

  • «Бочуот Знага» уордьан;
  • Норуот доҕордоһууларын уордьана;
  • РСФСР култууратын үтүөлээх үлэһитэ;
  • Саха АССР култууратын үтүөлээх үлэһитэ;
  • Арассыыйа Федерациятын үөрэҕириитин туйгуна;
  • Дьокуускай куорат Ытык олохтооҕо (1996)[2];
  • Бүлүү улууһун ытык олохтооҕо;
  • Нам улууһун Хамаҕатта нэһилиэгин ытык олохтооҕо;
  • Саха Өрөспүүбүлүкэтин судаарыстыбаннай бириэмийэтин журналистикаҕа лауреата;
  • Саха Өрөспүүбүлүкэтин ытык киһитэ (2008)[3].

Аатын үйэтитии

  • 2017 сыл олунньу 21 күнүгэр Дьокуускай куоракка Ленин проспегын 22/1 нүөмэрдээх дьиэтигэр Нина Протопопова кэриэһигэр өйдөбүнньүк дуоска туруоруллубута[4].

Быһаарыылар

Сигэлэр

Категориялар