Прокопьев Прокопий Яковлевич
Прокопьев Прокопий Яковлевич — Чуукаар (1941 сыл от ыйын 17 күнэ, Ньурба улууһа, Саха АССР) — саха суруйааччыта, тылбаасчыт.
Олоҕун олуктара
Прокопий Прокопьев 1941 сыллаахха от ыйын 17 күнүгэр Ньурба улууһун Чуукаар нэһилиэгэр төрөөбүт.
1962 сыл ыам ыйын 2 күнүттэн балаҕан ыйын 14 күнүгэр диэри Чуукаар бибилэтиэкэтин сэбиэдэссэйэ.
1963 сыл атырдьах ыйын 25 күнүттэн 1965 сыл атырдьах ыйын 13 күнүгэр диэри Бүлүү куоратыгар педучилищеҕа киирэн үөрэнэр.
1965 сылтан 1968 сылга диэри Сэбиэскэй Аармыйаҕа сулууспалыыр.
1973 сылтан 1977 сылга диэри Дьокуускай куоракка кинигэ кыһатыгар үлэлиир.
1974 сылга бастакы кэпсээннэрин кинигэтэ «Сүрэх сүрэхтиин кэпсэтэр» бэчээккэ тахсар.
1975 сыллаахха А. М. Горьскай аатынан Литературнай институту бүтэрбитэ.
Дьокуускайдааҕы кинигэ кыһатын эрэдээктэринэн, «Утро Лены», «Арчы», «Туймаада» хаһыаттар литературнай үлэһиттэринэн уонна эппиэттээх сэкиритээринэн үлэлээбитэ[1].
1978 сыл балаҕан ыйын 4 күнүттэн 1994 сыл кулун тутар 1 күнүгэр диэри «Эдэр коммунист» хаһыат «Сахаада» эрэдээксийэтигэр кэрэспэдьиэн.
1991 с. — Саха Өрөспүүбүлүкэтин суруйааччыларын Сойууһун чилиэнэ.
1999 сыл атырдьах ыйын 2 күнүттэн 2001 сыл алтынньы 5 күнүгэр диэри Дьокуускай куорат «Эхо столицы» хаһыатын «Киин куорат» сыһыарыы-хаһыатыгар эппиэттиир сэкиритээринэн үлэлээбитэ[2].
Кинигэлэрэ
- Сүрэх сүрэхтиин кэпсэтэр: Кэпсээннэр. — Дь.: Кинигэ кыһата, 1974. — 112 с.
- Күһүҥҥү ньургуһун: Кэпсээннэр. — Дь.: Кинигэ кыһата, 1981. — 128 с.
- Уол oҕo уон уhуктааҕа. — Дь.: «Бичик», 2004. — 160 с.
- Таптал суруктара. — 2011.
- Патриот – промышленник Российской Арктики. — Якутск, Бичик, 2020.