Подольскай
Подольскай (нууч. Подо́льск) — Арассыыйа куората, Москуба уобалаһын Подольскай оройуонун киинэ, Москуба өрүс салаата Пахраа өрүс үрдүгэр турар. Москуба кииниттэн 36 км оттон МКАД-тан 15 км ыраах турар. Хоту өттүнэн Щербинкалыын, соҕуруу — Климовскайдыын быысаһар. Куорат иэнэ — 40,04 км², нэһилиэнньэтэ — 183,1 тыһ. киһи (2010).
Подол диэн XVIII үйэҕэ Москуба Данилов монастыырын дэриэбинэтиттэн үөскээбитэ. Куорат статуһун 1781 сылтан сүгэр. 1971 сыллаахха Үлэ Кыһыл Знамятын уордьанынан наҕараадаламмыта. 2004 сылтан куорат уокуруга диэн стаатустаах.