Нуучча тылынанАнал бырайыактар
Тылы уларыт
УРУБИИКИ ТУҺУНАН

Оконешников Семен Петрович

Оконешников Семен Петрович (1944 сыл атырдьах ыйын 29 күнэ, Бөтүҥ нэһилиэгэ — 2019 сыл бэс ыйын 14 күнэ, Дьокуускай) — опера ырыаһыта, тенор, Арассыыйа Бэдэрээссийэтин норуодунай артыыһа (1993).

Олоҕун олуктара

1944 сыллаахха атырдьах ыйын 29 күнүгэр Нам улууһун Бөтүҥ нэһилиэгэр төрөөбүт.

1963 сыллаахха Музыка уонна дыраама тыйаатырын хоругар үлэтин саҕалаабыт, Араадьыйа кэмитиэтин хоругар ыллаабыт. Ону тэҥэ Дьокуускайдааҕы музыка училищетыгар (вокал кылааһыгар) үөрэммит. Үөрэҕин 1965 сыллаахха бүтэрбит.

1965—1968 сылларга Сэбиэскэй Аармыйа кэккэтигэр Забайкалье сэрии уокуругун ырыа уонна үҥкүү ансаамбылын солиһынан сулууспалаабыт.

Дойдутугар төннөн, Гостелерадио хоругар салгыы ыллаабыт, 1969 сыллаахха Дьокуускайдааҕы култуура училищетын дирижерскай-хоровой салаатын кэтэхтэн бүтэрбит.

1969—1975 сылларга М. П. Мусоргскай аатынан Ураллааҕы консерваторияны бүтэрбит.

1975 сылтан олоҕун бүтэһик сылыгар диэри Опера уонна балет тыйаатырыгар опера солиһынан үлэлээбит. 20 оруоллаах тенор репертуара барыта киниэнэ эбит. 1977 сыллаахха «Лучший дебют года» бириэмийэни ылар. 1979 сыллаахха «Якутск-79» ырыа күрэҕин бириэмийэтин ылар. 1980-с сыллардаахха «Эҥсиэли» квартет-бөлөх ырыаһыта[1][2].

Оруоллара

  • Үрүҥ Уолан («Дьулуруйар Ньургун Боотур»)
  • Лоокуут («Лоокуут уонна Ньургуһун»)
  • Саһыл ойуун («Кыһыл ойуун»)
  • Ленскай («Евгений Онегин»)
  • Кинээс («Русалка»)
  • Водемон («Иоланта»)
  • Левко («Ыам ыйынааҕы түүн»)
  • Юродивый («Борис Годунов»)
  • Альмавива («Севильский цирюльник»)
  • Герцог («Риголетто»)
  • Альфред («Травиата»)

Режиссер үлэтэ

  • «Дьулуруйар Боотур» олоҥхо-опера
  • «Хотугу сибэкки» оперетта
  • «Сээркээн Сэһэн оҕонньор кэпсээннэрэ»
  • Анастасия Лыткина, Нина Сазонова кэнсиэрдэрэ
  • В. Зырянов «Максим Аммосов кэриэһигэр» оратория[2]

Наҕараадалара уонна ытык ааттара

  • РСФСР үтүөлээх артыыһа (1982)
  • Арассыыйа Бэдэрээссийэтин норуодунай артыыһа (1993)
  • Нам улууһун Ытык олохтооҕо (1994)
  • Арассыыйа Федерациятын норуодунай артыыһа (1993)
  • Нам улууһун Ытык олохтооҕо (1994)
  • «Гражданскай килбиэн» Саха Өрөспүүбүлүкэтин ураты буолуу бэлиэтэ
  • Саха Өрөспүүбүлүкэтин норуодунай артыыһа (2014)[1][2]

Сигэлэр

  • Гоголев П. Туох эрэ ип-итии сүрэхпэр туолар… // «Саха сирэ». — 1997. — Атырдьах ыйын 26 к.
  • Леонтьев Е. Ыллыыр Россия народнай артиhа Семен Оконешников… // «Саха сирэ». — 1997. — Тохсунньу 15 к.
  • Яковлева Е. Однажды много лет назад… // Поляр. круг в Якутии. — 2001. — 1 нояб.
  • Никитин П. С. П. Оконешников // Никитин П. Мастера якутской сцены. — Якутск, 1985. — С. 46—47.
  • С. П. Оконешников: 50 лет со дня рождения // Якутия—1994: Календарь знаменат. и памят. дат. — Якутск, 1993. — С. 47—48. — Библиогр.: 5 назв.
  • Государственный театр оперы и балета имени Д. К. Сивцева — Суоруна Омоллоона: Семен Оконешников

Ылыллыбыт сирэ

  1. ↑ 1 2 Легенда якутской оперы Семен Оконешников - 50 лет на сцене. Якутск. Без Формата. Сигэнии күнэ: 12 Кулун тутар 2026. Архивировано 27 Тохсунньу 2019 года.
  2. ↑ 1 2 3 Золотой тенор Якутии — Семен Петрович Оконешников (рус.). Сигэнии күнэ: 12 Кулун тутар 2026.

Категориялар