Оготоев Петр Петрович
Оготоев Петр Петрович (1961 сыл ахсынньы 1 күнэ, Уус-Алдан улууһа, Саха АССР — 2008 сыл тохсунньу 31 күнэ, Дьокуускай) — бастакы идэтийбит хомусчут, Арассыыйа Федерациятын үтүөлээх артыыһа.
Олоҕун олуктара
Кини 1961 сыллаахха Уус-Алдан оройуонугар Лөгөй нэһилиэгин Кэптэнигигэр төөөбүтэ. М. К. Аммосов аатынан Дьокуускайдааҕы судаарыстыбаннай университетын бүтэрбитэ.
Москуба куоракка ыытыллыбыт эдэр ыччат Аан дойдутааҕы VIII бэстибээлин дипломана (1985). Тула куоракка буолбут норуодунай инструмеҥҥа толорооччулар III конкурстарын дипломана (1986), аан дойдутаа5ы хомусчуттар (варганистар) « Виртуозы мира» күрэхтэһии кыайыылааҕа (1991).
Красноярскай кыраайга уонна Хакасияҕа (1980), Москваҕа уонна Ульяновскайга (1982), Монгуол Норуодунай Өрөспүүбүлүкэтигэр (1985), Иркутскай, Амурскай уобаластарга (1988, 1989), Францияҕа (1993) ыытыллыбыт Саха сирин култууратын уонна ускуустубатын күннэригэр; Индияҕа (1987) буолбут ССРС култууратын күннэригэр кыттыыны ылбыта.
Наҕараадалара
- Арассыыйа Федерациятын үтүөлээх артыыһа.
Аатын үйэтэтии
- 2016 сыл сэтинньи 28 күнүгэр Дьокуускайга, аймахтарын, чугас дьонун уонна Аан дойду хомуһун түмэлин уонна киинин кэлэктиибин көҕүлээһининэн, Петр Оготоев олорбут дьиэтин (Киров уул., 27/1) эркинигэр өйдөбүнньүк дуоска туруоруллубута[1].