Николаева Светлана Ефимовна
Светлана Ефимовна Николаева (1941 сыл алтынньы 28 күнэ, Дьокуускай — 2012 сыл ахсынньы 25 күнэ) — Өрөспүүбүлүкэ норуотун хаһаайыстыбатын үтүөлээх үлэһитэ, СӨ социальнай сулууспатын туйгуна, Амма улууһун ытык олохтооҕо.
Олоҕун олуктара
1941 сыллаахха алтынньы 28 күнүгэр Дьокуускайга төрөөбүтэ. 1967 сыллаахха Саха судаарыстыбаннай университетын бүтэрбитэ, 1982 с. — ССКП КК уопсастыбаннай наукаларын академиятын.
1986—1991 сылларга Саха АССР култууратын миниистирэ этэ. 1992—1993 сылларга нэһилиэнньэ, үлэ уонна үлэлээх буолу социальнай көмүскэлин миниистирин солбуйааччы.
Дьахталлар өрөспүүбүлүкэтээҕи тэрилтэлэрин Сойууһун президиумун салайбыта, Саха сирин уопсастыбаннай палаататын, Саха сирин дьахтар учуонайдарын Лиигатын чилиэнэ этэ.
2012 сыллаахха ахсынньы 25 күнүгэр ыалдьан өлбүтэ[1].
Наҕараадалара
- «Бочуот Знаага» уордьан;
- «Үлэҕэ килбиэнин иһин» мэтээл.
Аатын үйэтитии
- 2013 сыл алтынньы 28 күнүгэр С. Е. Николаева Орджоникидзе уулуссатын 45/1 нүөмэрдээх дьиэтигэр 20-тэн тахса сыл олорбут сиригэр өйдөбүнньүк дуоска туруоруллубута[2].