Нуучча тылынанАнал бырайыактар
Тылы уларыт
УРУБИИКИ ТУҺУНАН

Михайлов Александр Михайлович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Михайлов.

Михайлов Александр Михайлович — боксаҕа ССРС норуоттар ыккардыларынааҕы кылаастаах успуордун маастара, 1978 сыллааҕы Аан дойду чемпионатын боруонса призера, 1978 сыллааҕы ССРС чемпиона, 1979 сыллааҕы ССРС норуоттарын VII сайыҥҥы Спартакиадатын үрүҥ көмүс призера, РСФСР уонна Саха АССР хас да төгүллээх чемпиона. Саха АССР үтүөлээх тренерэ. Дьокуускай куорат Ытык олохтооҕо.

Олоҕун олуктара

  • 1957 сыллаахха олунньу 20 күнүгэр Саха АССР Үөһээ Халыма оройуонугар Арыылаах сэлиэнньэтигэр төрөөбүт.
  • 1974 сыллаахха Зырянка орто оскуолатын бүтэрбит.
  • Ол сыл Дьокуускайдааҕы 1 № -дээх ПТУ-га суоппар идэтигэр үөрэнэ киирбит.
  • Дьокуускайга үөрэнэ сылдьан, 17 саастааҕар Саха АССР үтүөлээх тренеригэр Вильям Ивановка боксанан дьарыктанан саҕалаабыт.
  • 1984 сыллаахха Саха государственнай университетын история салаатын бүтэрбит.
  • 2006 с. — РФ Президенын иһинэн государственнай сулууспа Российскай Академиятыгар үөрэммитэ.
  • 2006 сылтан «Ньыгыл Россия» чилиэнэ.
Улэлээбит сирдэрэ
Тренер-преподаватель
ВДСО «Трудовые резервы», бэрэссэдээтэл солбуйааччыта
СПТУ-16
ПКП «Якутсксервисдосуг», старшай инспектор
Национальнай концерн «ТЭВР», директор солбуйааччыта
ЭНГ АОЗТ «Саха Агро Бай-Бэк», главнай специалист
ООО «Лик», генеральнай директор солбуйааччыта
Уу транспорын Новосибирскай государственнай академиятын Дьокуускайдааҕы салаата, директор солбуйааччыта
Физическэй культура уонна спорт Салалтата, старшай тренер
ООО «Сахаспецснаб», генеральнай директор
ОАО «Нижнее-Ленское», спорт инструктора
«Булуҥ улууһа» олохтоох тэриллии, администрация Баһылыгын бастакы солбуйааччыта
2008 сыл алтынньы 12 күнүттэн — Үөһээ Халыма улууһун Баһылыгынан талыллыбыта.

Спортка ситиһиилэрэ

  • 1978. Белград. Аан дойду чемпионатын боруонса призера.
  • 1978. Алматы.
  • 1978. ССРУ-Нигерия.
  • 1979. Донецкай.
  • 1979. ССРУ—АХШ матч көрсүһүүлэр кыайыылааҕа.
  • 1980. Белград. Омуктар икки ардыларынааҕы турнир кыайыылааҕа.
  • 1981. Самара. ССРУ Куубун призера.

Бастакы тренерэ Вильям Иванов. Чуумпу океаннааҕы флокка сулууспалыыр кэмигэр Вадим Откидачка уонна Борис Кубасовка эрчиллибитэ. А. Михайлов үөрэнээччилэриттэн кикбоксиҥҥа биллэр спортсменнарынан Александр Иванов, Алексей Уваров уонна Илья Черкашин буолаллар.

Наҕараадалара уонна ытык ааттара

  • Бокска ССРС международнай кылаастаах мастера
  • Саха Өрөспүүбүлүкэтин үтүөлээх тренерэ
  • Саха Өрөспүүбүлүкэтин «Гражданская доблесть» ураты Бэлиэтэ
  • «За заслуги в развитии Олимпийского движения в России» ытык Бэлиэ
  • «За заслуги в развитии физкультуры и спорта в РС(Я)» ытык Бэлиэ
  • «За заслуги в развитии бокса РС(Я)» ытык Бэлиэ
  • Дьокуускай куорат ытык киһитэ[1] (1980)

Быһаарыылар

Сигэлэр

Ылыллыбыт сирэ

  • Саха халандаара, 2009, Диодорова-Лаврентьева С. В. — Дь.:Бичик, 2008.

Категориялар