Кычкин Николай Николаевич

1940 сыллаахха кулун тутар 29 күнүгэр Мэҥэ-Хаҥалас улууһун Дойду нэһилиэгэр төрөөбүтэ.

1948 с. Күөллэрини, Матта оскуолатыгар үөрэнэн, 1960 с. Төҥүлү орто оскуолатын бутэрбитэ.

1960 с. өрөспүүбүлүкэ чемпионаатыгар 3-5 миэстэни уллэстэн бастакы разряды толорбута.1966 с. Бүлүүтээҕи педагогическай училищены бүтэрбитэ. 1966—1973 сс. Мэҥэ-Ханаласка, 1973—1977 сс. Таатта оройуонугар математика учууталынан үлэлээбитэ.

Ити кэмнэргэ оскуолага математика кабинетын тэрийбитэ. Дуобакка общественнай тренерынан үлэлээн, угустук улуус, өрөспүүбүлүкэ чиэһин көмүскээн күэхтэһэрэ. 1977 сыллаахтан Ытык Күөлгэ оҕо спордун оскуолатыгар дуобат тренеринэн 1992 сыллаахха диэри таһаарыылаахтык үлэлээбитэ, оскуола хамаандата өрөспүүбүлүкэҕэ, Россияҕа бастаан Сойууска 4, СНГ 1992 с. 2-с миэстэ буолбута.

5 спорт мастера, 168 урдук разрядтаахтар уескээн тахсыбыттара. 1992—2004 сс. Чурапчы интэринээт-оскуолатыгар 51 аан дойду, 36 Европа, 204 Россия чемпионнара, призердара, 1 грассмейстер, 1 норуоттар икки ардыларынаагы спорт маастара, 8 спорт маастара ты5ыстылар.

• Саха Өрөспүүбүлүкэтин үтүөлээх тириэньэрэ (1997);
• Арассыыйа үтүөлээх тренерэ (2000);
• Таатта улууһун Ытык олохтооҕо (2004);
• 20 үйэ успуордун уонна Д. П. Коркин аатынан государственнай бририэмийэ лауреата;
• «Гражданскай килбиэн» бэлиэ (2003).

• кэргэнэ — Бырдыннырова Мария Никитична, Арассыыйа уонна СӨ үтүөлээх тириэньэрэ;
• улахан уола — Кычкин Николай Николаевич-II, Арассыыйа успуордун маастара, СӨ үөрэҕириитин туйгуна;
• кийиитэ (Николай кэргэнэ) — Кычкина Ая Ильинична, педагогическай наука кандидата, ЧГФКиС дуобакка тириэньэрэ;
• сиэнэ - Кычкина Аяника Николевна;
• кыра уола - Кычкин Василий Николаевич, Арассыыйа успуордун маастара, Республикатааҕы дуобат-саахымат Киинин инструктора;
• кийиитэ (Василий кэргэнэ) — Кычкина Матрена Петровна, дуобат тириэньэрэ, Арассыыйа успуордун маастарыгар кандидат.