Кулаковский Петр Васильевич
Кулаковский Петр Васильевич (төр. 1990 сыл алтынньы 11 күнэ, Нөөрүктээйи) — Саха сирин ырыаһыта, Сахалыы Виктория араадьыйа ыытааччыта, сүрүн эрэдээктэрэ.
Олоҕун олуктара
Петр Кулаковский 1990 сыллаахха алтынньы ый 11 күнүгэр Павловскай нэһилиэгэр, Мэҥэ-Хаҥалас улууһугар күн сирин көрбүтэ.
Петр кыра эрдэҕиттэн ырыа, үҥкүү куруһуократырагар утумнаахтык дьарыктанан улааппыта.
Бастакы идэтэ: эколог-природопользователь (Хотугулуу-Илиҥҥи Федеральнай универститет, Естественнай наукалар факультета), иккис идэтэ: муусука учуутала, артист-вокалист (Дьокуускайдааҕы музыкальнай колледж, вокальнай салаата).
Бастакы альбома «Көҥүл» 2013 сыллаахха тахсыбыта. Тутатына бу сыл Петр Кулаковскай «Этигэн Хомус» музыкальнай бириэмийэҕэ сыл бастыҥ саҕалааччыта номинацияҕа киирбитэ, күрэх түмүгүнэн «Көрөөччү биһирэбилэ» анал аат хаһаайынынан ааттаммыта.
2019 сылга Пётр Кулаковскай «Көҥүл» диэн бастакы сольнай кэнсиэрин тэрийбитэ. Кэнсиэр Опера уонна балет тыйаатырыгар ааспыта[1].
2023 сылга ырыаһыт «Звезда» бүтүн Арассыыйатааҕы вокальнай куонкуруһугар Саха сирин көрдөрбүтэ. «Аэропорты» Леонид Агутин уонна Владимир Пресняков ырыаларын толорбута[2].
Ырыалара
Альбомнар
- 2013 — «Көҥүл» альбомҥа киирбит ырыалар: «Эт эрэ», «Көҥүл», «Сүбэлэр», «Маҥнайгы тапталым», «Күннэтэ күүтэбин» ырыалар;
- 2020 — Эн Биһикки.
Сингллар
- 2014 — Хотой;
- 2015 — Эн ханна бааргыный;
- 2019 — Эйиэхэ эрэ;
- 2019 — Абылаатын;
- 2020 — Эн Мин;
- 2022 — Олох долгуна;
- 2022 — Санаалар;
- 2022 — Сахам кыыһа;
- 2022 — Дьикти түүн;
- 2023 — Дохсун ырыа;
- 2024 — Бэйэн билэҕин;
- 2024 — Саха буоламммын;
- 2025 — Сүрэҕим сулуһа.
Ситиһиилэрэ
Пётр Кулаковский «Этигэн Хомус», «Саҥа Ырыа», «Үрдэл» музыкальнай куонкурустар, бириэмийэлэр хас да төгүллээх кыттааччыта, лауреата.
Дьиэ кэргэнэ
Ийэтэ — Сардаана Кулаковская, аҕата — Василий Кулаковскай, бииргэ төрөөбүт быраата — Василий Кулаковскай (1994 сыл)
Эбэтэ — Ильина Анегина Егоровна, Саха Өрөспүүбүлүкэтин норуодунай артыыһа, опера артыыһа.