Кочнев Михаил Пантелеймонович

1928 сыллаахха тохсунньу 27 күнүгэр Ньурба улууһун Александровка сэлиэнньэтигэр (билигин — Антоновка сэл.) учуутал дьиэ кэргэнигэр төрөөбүтэ.

1942 сылтан Тулагы-Киллэм алын сүһүөх оскуолатыгар учууталлаабыта.

1946 сыллаахха Дьокуускайдааҕы балык бырамыысылыннаһын техникумун бүтэрбитэ. Арҕаа Сахалиннааҕы балык кэмбинээтин механика мастарыскыайыгар буҕаалтырынан үлэлээбитэ.

1949 сылтан — ССКП чилиэнэ.

1947—1959 сс. хомсомуолга үлэлээбитэ: учуот сиэктэрин сэбиэдиссэйиттэн ЫБСЛКС Саха сиринээҕи обкомун иккис сэкирэтээригэр тиийэ.

1954 сыллаахха Алдан райкомун бастакы сэкирэтээринэн талыллыбыт, сыл аҥара буолан баран, Дьокуускайга хомсомуол үлэтигэр анаммыт.

1963 сыллаахха Новосибирскайдааҕы Баартыйа үрдүкү оскуолатын бүтэрбитэ. ССКП Саха Сиринээҕи обкомугар тэрийэр-партийнай салаа инструкторынан, Саха АССӨ Миниистирдэрин иһинэн физкультура уонна успуорт өрөспүүбүлүкэтээҕи кэмитиэтин бэрэссэдээтэлинэн үлэлээбитэ.

1966 сыл тохсунньу 1 күнүттэн 1975 сыл ахсынньы 3 күнүгэр диэри Алдан дьокутаттарын оройуоннааҕы Сүбэлэрин исполкомун бэрэссэдээтэлинэн үлэлээбитэ.

1975 ахсынньы — 1983 сс. — норуодунай депутаттар Нерюнгри куораттааҕы Сүбэлэрин исполкомун бэрэссэдээтэлэ.

1983—1987 сс. — Саха АССӨ олоххо-дьаһахха миниистирэ.

1987 сыллаахха биэнсийэҕэ тахсыбыта. Саха АССӨ Үрдүкү Сүбэтин түөрт ыҥырыытын дьокутатынан талылла сылдьыбыта.

«Нерюнгри. Дневник первого председателя», «Славные пятидесятые годы комсомола Якутии» кинигэлэри суруйбута.

1995 сылтан Москва уобалаһыгар олорбута.

2002 сыллаахха атырдьах ыйын 20 күнүгэр ыалдьан өлбүтэ.

• Өктөөп өрөбөлүүссүйэтин уордьана;
• Үлэ Кыһыл Знамятын уордьана;
• Норуоттар Доҕордоһууларын уордьана;
• «Бочуот Бэлиэтэ» уордьан;
• «Үлэҕэ уһулуччутун иһин» мэтээл;
• «Килбиэннээх үлэ иһин. Владимир Ильич Ленин төрөөбүтэ 100 сааһын бэлиэтээн» мэтээл;
• «1941—1945 сс. Аҕа дойду сэриитигэр килбиэннээх үлэ иһин» мэтээл;
• «Байкал-Амур магистралын тутуу иһин» мэтээл;
• «Шахтерская Слава» 3 ист. бэлиэ;
• Саха Өрөспүүбүлүкэтин ытык олохтооҕо (2000)^[1];
• Саха АССӨ норуотун хаһаайыстыбатын үтүөлээх үлэһитэ;
• Мэҥэ-Хаҥалас улууһун ытык олохтооҕо (1975);
• Алдан оройуонун ытык олохтооҕо (1982);
• Нерюнгри оройуонун ытык олохтооҕо (1987).

• М. П. Кочнев аата Нүөрүҥгүрү 1 №-дээх орто оскуолатыгар иҥэриллибит (Саха Өрөспүүбүлүкэтин Бэрэсидьиэнин 04.11.2010 339 №-дээх Ыйааҕа)^[2].

• Аҕата — Кочнев Пантелеймон Иннокентьевич, Саха АССР оскуолатын үтүөлээх учуутала, Ленин уордьанын кавалера.
• Инитэ — Кочнев Валерий Пантелеймонович (1931—2021), педагогика билимин дуоктара, М. К. Аммосов аатынан ХИФУ профессора.