Нуучча тылынанАнал бырайыактар
Тылы уларыт
УРУБИИКИ ТУҺУНАН

Колесов Николай Саввич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Колесов.

Колесов Николай Саввич (1912 сыл олунньу 2 күнэ, Тумат, Саха АССР — 1977 сыл ахсынньы 31 күнэ, неизвестно) — саха чулуу булчута, Саха АССР үтүөлээх булчута, Социалистыы Үлэ Дьоруойа[1].

Олоҕун олуктара

1912 сыллаахха Усуйаана улууһун Тумат нэһилиэгэр удьуор булчут дьиэ кэргэнигэр төрөөбүт. Алын сүһүөх үөрэхтээх.

1930 сылтан Ленин В. И. аатынан колхуоска булчутунан (1961 сылтан — «Усуйаана» колхуос) үлэлээн саҕалаабыт.

1955—1956 сыллаах былааны 37 бүк куоһарбыт. Ол эбэтэр Ийэ дойдутугар 84 тыһыынчаттан тахса солкуобай суумалаах күндү түүлээҕи туттарбыт. Кырсаны бултааһыҥҥа бүтүн Сойуус үрдүнэн рекорду олохтообут. Кырсаны үксү «пааһынан» бултуур эбит, үксүн мэҥиэнэн үчүгэйдик туттар эбит, промысловай былаһаакка тэрийбит. Бэйэтэ атын да булчуттары бэлэмнээбитэ, кини үгүс үөрэнээччилэрэ С. И. Колесов, Н. П. Охлопков, К. Н. Сыроватскай Саха сирин биллиилээх булчуттара буолбуттара[1][2].

ССРС Үрдүкү Сүбэтин Президиумун 1957 сыл алтынньы 1 күнүнээҕи Ыйааҕынан Колесов Николай Саввичка Социалистическай Үлэ Геройун аата иҥэриллибитэ[1].

1961 сылтан — «Усуйаана» совхоз булчута. Сонор суолун күрэҕэр 40-ча сыл устата сылдьыбыт. Хас сыл аайы былаанын аһара толорор эбит. Аҥардас 1964 сыллаахха 100 тыһ. солкуобайдаах көмүс түүлээҕи туттарбыт.

Н. С. Колесов ССКП Саха Уобаластааҕы комитетын Пленумун чилиэнинэн талылла сылдьыбыт. ССРС Үрдүкү Сүбэтин VI ыҥырыытын, Саха АССР Үрдүкү Сүбэтин депутаттарынан талылла сылдьыбыт.

Тыа хаһаайыстыбатын инструкторынан үлэлии сылдьан, Саха Сирин араас муннуктарыгар булчуттардыын көрсүһэн, кырсаны бултааһын туһунан олоххо мунньуммут баай уопутун тарҕатар эбит. Пенсияҕа тахсан баран Дьокуускай куоракка олорбут.

1977 сыллаахха ахсынньы 31 күнүгэр ыалдьан өлбүт[1].

Наҕараадалара уонна ытык ааттара

Аатын үйэтитии

  • 2015 сыллаахха Н. С. Колесов аатынан Усуйаана улууһун Тумат нэһилиэгэр уулусса ааттаммыт[2];
  • 2021 сыллаахха «100 алмаас — Саха АССР 100 сылыгар» бырайыак чэрчитинэн Н. С. Колесов аата бөдөҥ алмааска иҥэриллибит[3].

Быһаарыылар

  1. ↑ 1 2 3 4 5 Колесов Николай Саввич. warheroes.ru. Сигэнии күнэ: 10 Олунньу 2026.
  2. ↑ 1 2 3 Герои социалистического труда Усть-Янского района — МКУ "Усть-Янская МЦБС"(биллибэт). dptbibl.ru. Сигэнии күнэ: 10 Олунньу 2026.
  3. ↑ АЛРОСА передала республике сертификаты алмазов, названных именами якутян — ЯСИА, Новости Якутии и Якутска — свежие новости онлайн на сайте ysia.ru — ЯСИА (21 Ахсынньы 2021). Сигэнии күнэ: 10 Олунньу 2026.

Категориялар