Киприянов Пётр Александрович

Пётр Киприянов 1985 сыл алтынньы 6 күнүгэр Хаҥалас улууһун Покровскай куоракка төрөөбүтэ. Мохсоҕоллоох Орто оскуола тохсус кылааһын бүтэрэн баран колледжка киирбитэ, автомеханик идэтин ылбыта. Покровскайга «РИК Автодор» АО-ҕа үлэлээбитэ^[3].

Новомихайловка бөҕөргөтүллүбүтүн кэннэ, Пётр Киприянов «Звезда» ханаалга «Ищу своих» биэриигэ ыалдьыт буолбута. Пётр сэлиэнньэни босхолооһун кэмигэр бу кыргыһыылар тустарынан кэпсээбитэ, онно кини штурмовой бөлөххө кыттыбыта. Кини штурмалыыр бөлөҕө үс таанканан кыргыһыыга киирбитэ. 200 килэмиэтир айаннаан баран, 30 килэмиэтир хаалбытыгар, кинилэр Т-54-тэрэ минаҕа дэлби тэбиллибитэ, уонна таанк гусеницата бүтүннүү алдьаммыта. Саллааттар контузияламмыттара, ол гынан баран, дьулуурдарын сүтэрбэтэхтэрэ. Тааҥкаттан түһэргэ быһаарыллыбыта. Пётр Киприянов тааҥкаттан ыстанан тахсан өстөөх диэки ытыалаабыта. Учаастак бүтүннүү миналаммыта. Байыас бөлөх иннин диэки баран, ствол анныгар баар гранатометынан суолу ыраастаабыта. Кинилэр икки расчуокка түбэспиттэрэ — Америка Mk 19 автоматическай гранатомёта уонна НАТО миномёта. Арассыыйа сэрииһиттэрин бөлөхтөрө бу расчуоттары суох оҥорбуттарыгар, өстөөхтөртөн икки киһитэ куоппута, икки киһи өлбүтэ. Өстөөх блиндааһын былдьаан баран, младшай сержант Пётр Киприянов салалтатынан, көмө кэлиэр диэри биэс байыас позицияны тутан олорбуттара^[2].

2024 сыл балаҕан ыйын 28 күнүгэр Кураховскай направленияҕа Константиновка аттыгар өлөр баастаммыта^[2][4].

2025 сыл олунньу 24 күнүгэр Пётр Киприяновка өлбүтүн кэннэ Арассыыйа Дьоруойун аатын иҥэриллибитэ^[2]. Кулун тутар 18 күнүгэр Куприянов дьиэ кэргэнигэр Арассыыйа Дьоруойа сулуһу биэрбиттэрэ.

• Арассыыйа Федерациятын Дьоруойа (өлбүтүн кэннэ, 2024);
• «Эр санаа» уордьана (2024).