Каргинов Андрей Олегович

Андрей Олегович Каргинов 1976 сыллаахха олунньу 23 күнүгэр Саха АССР Мирнэй оройуонун Мирнэй куоратыгар төрөөбүтэ^[2]. 1976 сыллаахха дьиэ кэргэнэ Татаар АССР Набережные Челны куоратыгар көспүтэ, онно аҕата Камскайдааҕы массыына собуотугар инженеринэн үлэлээбитэ^[3].

Набережные Челны куорат 35 №-дээх орто оскуолатын уонна Камскайдааҕы судаарыстыбаннай инженернэй-экономическай академияны бүтэрбитэ^[2].

Спортивнай карьерата

9 сааһыттан картинг диэн успуорт көрүҥүнэн үлүһүйбүтэ, хаста да Татарстаан чөмпүйүөнэ буолбута, успуорт маастарыгар хандьыдаат буолбута^[1].

«КАМАЗ-мастер» (нууч.) (сах. хамаанда базаланар «КАМАЗ» билим-чинчийэр киинигэр быраактыкаламмыта. 2005 сыллаахха хамаандаҕа ылбыттара^[1].

2006 сыллаахха мехээник быһыытынан сүүрдүү экипаһыгар киирбитэ, Арассыыйа ралли-рейдэҕэ чөмпүйэнээтин чэрчитинэн ыытыллыбыт хас да сүүрдүүгэ кыттыбыта.

2007 сыллаахха «бойобуой» пилот буолбута — кини бастакы саҕалааһына «Хазарские степи» диэн Арассыыйа чөмпүйэнээтин этээптэриттэн биирдэстэригэр буолбута.

2008 сыллаахха эчэйии ылан, быстах кэмҥэ күрэхтэһиилэргэ кыттыбатаҕа.

2010 сыллаахха — Ильгизар Мардеев экипаһын механига, бастакытын «Дакар Раллига» (нууч.) (сах. стартаабыта. Биэтэккэ экипаһа 5-с кэлбитэ.

2011 сыллаахха пилот быһыытынан Арассыыйа ралли-рейдэҕэ чөмпүйэнээтин кыайыылааҕа буолбута, «Шёлковый путь» ралли түмүгүнэн үһүс буолбута.

2012 сыллаахха Каргинов «Дакар» раллига пилот быһыытынан кыттыбыта. Биэтэккэ төрдүһүнэн кэлбитэ. Бу кини «КАМАЗ-мастер» хамаандатын 2012 сыллаах «Дакар Раллига» бастыҥ түмүгэ буолбута.

Ахсынньы 16 күнүгэр 2012 сыллаахха, «Дакар Ралли» саҕаланыан икки нэдиэлэ иннинэ, Каргинов атаҕын улаханнык эчэтэн, плюсневай уҥуоҕун тоһуппута, хамаандата кини экипаһын раллиттан устарга бэлэм этэ. Ол гынан баран Каргинов Курган куоракка баар Академик Г. А. Илизаров аатынан арассыыйатааҕы «Чөлүгэр түһэрэр травматология уонна ортопедия» билим киинигэр (нууч.) (сах. реабилитация кууруһун ааһан баран, күрэхтэһиигэ кыттарга быһаарыммыта^[2].

2013 сыллаахха эмиэ «Дакар Ралли» стартыгар тахсыбыта. Иккис түһүмэххэ массыына сцеплениета аккаастаан, балтараа чаас кэриҥэ сүтэрбитэ^[4]. Экипаж түмүгэр биэтэккэ үһүс кэлбитэ.

«Дакар Ралли 2013» бүтэһик түһүмэҕин биэтэгэр диэри 8 биэрэстэ^[5] хаалбытын кэннэ иннинэ уопсай зачекка иккис иһэр Каргинов массыыната охтубут маска^[5] тэһэ көтөн, уҥа инники көлүөһэтин тэспитэ^[5]. Каргинов трассаҕа чугас эккирэтээччититтэн Айрат Мардеевтан эрэ буолбакка, төрдүһүнэн айаннаан иһэр Жерар де Ройтан эмиэ бэрт кыранан куотан иһэр буолан, көлүөһэтин уларыттарга 12 мүнүүтэ кэриҥэ наадатын иһин, тохтообокко, бүтэһик килэмиэтирдэри үс көлүөһэлээх тиийэргэ быһаарыммыта. Түмүгэр, иккис миэстэлэспит Мардеевка 57 сөкүүндэ эрэ хотторон, үһүс түмүктээх кэлбитэ, Жерар де Рой төрдүс миэстэтиттэн үс аҥар мүнүүтэ эрэ эрдэлээбитэ^[5].

«Дакар 2014» күрэҕэр Каргинов экипаһа сүүрдүү бүтүө үс эрэ күн иннинэ грузовой зачет бастыҥнарын ахсааныгар киирбитэ. Раллига кыайыыны утарсааччытыттан 3 мүнүүтэ 11 сөкүүндэнэн уруттаан ситиспитэ.

2017 сыллаахха Каргинов экипаһа «Африка Эко Рейс» сүүрдүүгэ кыттыбыта уонна түмүккэ А. Каргинов — А. Мокеев — Д. Никитин экипаһа буолан грузовой зачекка бастакы миэстэ буолбута.

«Дакар 2018» сылааҕы күрэҕин эчэйии ылан көтүппүтэ, «Шёлковый путь 2018» арассыыйатааҕы уонна кытайдааҕы күрэҕин кэмигэр өрүттэн, кыттыбыта уонна сүүрдүү бу икки түһүмэҕэр кыайыылаах буолбута.

• Доҕордоһуу уордьана, 2015 сыл ыам ыйын 25 күнэ^[6]
• «Аҕа дойду иннигэр үтүөлэрин иһин» уордьан II истиэпэннээх мэтээлэ, 2010 сыл
• Арассыыйа Федерациятын Бэрэсидьиэнин суруга, тохсунньу 18 күнэ 2020 сыл^[7]
• Арассыыйа норуоттар ардыларынааҕы кылаастаах спорт маастара, массыына спорда, от ыйын 4 күнэ 2013 сыл^[8]
• Арассыыйа спордун үтүөлээх маастара, массыына спорда, ыам ыйын 12 күнэ 2012 сыл^[9]
• «Татарстаан Өрөспүүбүлүкэтин иннигэр үтүөлэрин иһин» уордьан мэтээлэ, 2017 сыл
• «Килбиэннээх үлэтин иһин» мэтээл, Татарстаан Өрөспүүбүлүкэтэ 2013 сыл
• «Осетия Албан аатыгар» мэтээл, Хотугу Осетия Өрөспүүбүлүкэтэ — Алания, 2014 сыл
• «Куорат иннигэр өҥөлөрүн иһин» туйгун бэлиэ, Набережные Челны, 2010 сыл
• «КАМАЗ» ААУо бочуоттаах грамотата, 2008 сыл
• «Татарстаан Өрөспүүбүлүкэтин үтүөлээх массыына тутааччыта» аат, 2015 сыл

• 2006 — «Хазарские степи», В. Чагин экипаһыгар механик — 1-кы миэстэ
• 2006 — «Великая Калмыкия», И. Мардеев экипаһыгар механик — 1-кы миэстэ
• 2007 — «Хазарские степи», пилот — 3-с миэстэ
• 2008 — «Тихий Дон» Арассыыйа чөмпүйэнээтин этээбэ, пилот — 2-с миэстэ
• 2010 — «Хазарские степи», пилот — 2-с миэстэ
• 2010 — «Ралли Дакар», И. Мардеев экипаһыгар механик — 5-с миэстэ
• 2011 — «Золото Кагана», пилот — 1 кы миэстэ
• 2011 — ралли-рейдэҕэ Арассыыйа чөмпүйэнээтэ, пилот — 1-кы миэстэ
• 2011 — «Шёлковый путь» — «Дакар» серията, пилот — 3-с миэстэ
• 2012 — «Ралли Дакар», пилот — 4-с миэстэ
• 2013 — «Ралли Дакар», пилот — 3-с миэстэ
• 2013 — «Золото Кагана», пилот — 1-кы миэстэ
• 2014 — «Ралли Дакар», пилот — 1-кы миэстэ
• 2014 — «Золото Кагана», пилот — 3-с миэстэ
• 2015 — «Ралли Дакар», пилот — 3-с миэстэ
• 2015 — «Золото Кагана», пилот — 5-с миэстэ
• 2015 — «Великая степь», пилот — 1-кы миэстэ
• 2016 — «Золото Кагана», пилот — 1-кы миэстэ
• 2017 — «Африка Эко Рейс», пилот — 1-кы миэстэ
• 2018 — «Золото Кагана», пилот — 1-кы миэстэ
• 2018 — «Шёлковый путь», пилот — 1-кы миэстэ
• 2019 — «Ралли Дакар», пилот — дисквалификация
• 2019 — «Шёлковый путь», пилот — 2-с миэстэ
• 2020 — «Ралли Дакар», пилот — 1-кы миэстэ
• 2021 — «Ралли Дакар», пилот — 7-с миэстэ
• 2022 — «Ралли Дакар», пилот — 4-с миэстэ
• 2023 — «Шёлковый путь», пилот — 3-с миэстэ
• 2025 — «Золото Кагана», А. Ахмедов экипаһыгар механик — 3-с миэстэ^[3].

Аҕата Олег Харитонович Каргинов (Хотугу Осетия Алагир к. төр.), Москватааҕы автодорожнай институту бүтэрбитэ, Камазка инженеринэн үлэлээбитэ, Набережнай Челныга багги күрэхтэһиитин төрүттээччилэртэн уонна тарҕатааччылартан биирдэстэрэ^[10]. Ийэтэ Лариса Александровна (Аллараа Новгородка төр.).

Эдьиийэ Елена, дьиэ кэргэнин кытта Швейцарияҕа олорор, уола Ян^[2].

Кэргэнэ Гульфия. Уолаттара Захар (2007 сыллаахха тохсунньу 21 күнэ төр.), картиҥҥа Татарстаан үс төгүллээх чөмпүйүөнэ («КАМАЗ-Мастер-Юниор» хамаанда), Демид^[11].