Нуучча тылынанАнал бырайыактар
Тылы уларыт
УРУБИИКИ ТУҺУНАН

Кайгородов Василий Петрович

Кайгородов Василий Петрович (төр. 1909, Бөтүҥ, Нам улууһа[1]) — Аҕа дойду Улуу сэриитин кыттыылааҕа.

Нам улууһуттан төрүттээх офицер. Донской Феодосий Семенович 1944 сыллаахха суруйбут суругар ахтыллар. Онно суруллубутунан, сэрии бастакы күнүттэн сэрии күөнүгэр сылдьыбыт, алтата бааһырбыт.[2]

Кыһыл Аармыйа кэккэтигэр 1941 сыллаахха ыҥырыллыбыт. Аҕа дойду сэриитигэр 1943 сыл от ыйыттан Белгород хайысхатыгар кыттыбыт. 12-с механизированнай гвардейскай биригээдэ ПТР ротатыгар взвод хамандыыра. 1943 сыл от ыйын 14 күнүгэр «Кыһыл Знамя» хутор анныгар буолбут кыргыһыыга лейтенант Кайгородов взвода өстөөх таанкалара хаста да кимэн киириилэрин тохтоппут, 4 таанканы урусхаллаабыт. Бу кыргыһыыга хорсун быһыытын иһин Кыһыл Сулус уордьанынан наҕараадаламмыт.[3]

1945 сыл кулун тутар 25 күнүгэр Заливальде[биллибэт тиэрмин] диэн нэһилиэнньэлээх пуун иһин кыргыһыыга лейтенант Кайгородов хамаандалыыр взвода өстөөх 4 пулеметун эспит, 10-н тахса өстөөҕү кыдыйбыт, 5 өстөөҕү билиэн туппут. Хорсун быһыытын иһин Кайгородов иккиһин Кыһыл Сулус уордьанынан наҕараадаламмыт.[4]

Наҕараадалара

  • Аҕа дойду сэриитин I ст. уордьана (1985)[1][5]
  • Кыһыл Сулус уордьана (29.07.1943[3]; 20.04.1945[4])[5]

Быһаарыылар

  1. ↑ 1 2 Карточка награжденного в электронном банке документов «Подвиг Народа»
  2. ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.
  3. ↑ 1 2 Наградные документы в электронном банке документов «Подвиг Народа»
  4. ↑ 1 2 Наградные документы в электронном банке документов «Подвиг Народа»
  5. ↑ 1 2 Наҕараада докумуоннарыгар араспаанньата сыыһа Койгородов диэн ыйыллыбыт.

Категориялар