Нуучча тылынанАнал бырайыактар
Тылы уларыт
УРУБИИКИ ТУҺУНАН

Ефимов Василий Васильевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Ефимов.

Василий Васильевич Ефимов (1985 сыл ыам ыйын 19 күнэ, Дьокуускай) — судаарыстыбаннай деятель. 2023 сыл алтынньы 4 күнүттэн 2025 сыл балаҕан ыйын 30 күнүгэр диэри Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга миниистирэ этэ[2].

Биография

Василий Ефимов 1985 сыл ыам ыйын 19 күнүгэр Дьокуускай куоракка төрөөбүтэ[3].

2006 сыллаахха Ирландия национальнай университетын — Дублин университетскай колледжын (нууч.) (сах. бүтэрбитэ. Кини ACCA чилиэнэ уонна MIT Regional Entrepreneurship Acceleration Program бырагырааматын бүтэрбитэ[2].

Үлэ

2007—2008 сылларга «ПрайсвотерхаусКуперс-Аудит» ХАУо-ҕа консультант-аудиторынан, онтон сүрүн консультант-аудиторынан үлэлээбитэ[2].

2008—2010 сылларга, кини «Якутскэнерго» АУо сүрүн МСФО исписэлииһин дуоһунаһыгар үлэлээбитэ[2].

2010 сылтан 2012 сылга диэри «Таатта» бааҥҥа үп-харчы уонна анаалыс салаатын салайааччытынан үлэлээбитэ[2].

2013—2017 сылларга Үп-харчы отчуотун дойдулар ыккардыларынааҕы стандартарын эйгэтигэр чааһынай практиканы ыыппыта[2].

2016 сыл муус устарыттан 2017 сыл сэтинньитигэр диэри «СахаАкадемРесурс» БПХ ХЭУо генеральнай дириэктэрин дуоһунаһыгар үлэлээбитэ[4].

2017 сылтан 2019 сылга диэри «„Якутия“ венчурнай хампаанньа» АУо генеральнай дириэктэрин солбуйааччы дуоһунаһыгар үлэлээбитэ. 2019 сылтан 2023 сылга диэри «„Якутия“ венчурнай хампаанньа» АУо генеральнай дириэктэринэн, ону тэҥэ Саха Сирин инновационнай сайдыытын пуондун дириэктэринэн үлэлээбитэ[2].

Саха Өрөспүүбүлүкэтин Ил Дарханын 2023 сыл алтынньы 4 күнүнээҕи 51 №-дээх Ыйааҕынан, СӨ инновацияҕа, сыыппара сайдыытыгар уонна инфокоммуникационнай технологияларга миниистиринэн анаммыта[2].

2025 сыл балаҕан ыйын 27 күнүгэр Саха Өрөспүүбүлүкэтин Ил Дархана Айсен Николаев «Быһа эфир» кэмигэр Василий Ефимовы Саха сирин сайыннарыы корпорациятын генеральнай дириэктэринэн анаабытын туһунан эппитэ[5]. Балаҕан ыйын 30 күнүгэр бэйэтин Max официальнай ханаалыгар Николаев Ефимовы саҥа үлэҕэ көһүүтүнэн сибээстээн инновация, сыыппара сайдыытын уонна инфокоммуникационнай технологиялар миниистирин дуоһунаһыттан уурайбытын туһунан биллэрбитэ[6]

Хобби

Василий Ефимов ох саанан ытыынан дьарыктанар. Ох саанан ытыы Өрөспүүбүлүкэтээҕи Федерациятын бэрэссэдээтэлэ[7].

Быһаарыылар

  1. ↑ https://mininnovation.sakha.gov.ru/managements/70
  2. ↑ 1 2 3 4 5 6 7 8 Ефимов Василий Васильевич. https://mininnovation.sakha.gov.ru. Сигэнии күнэ: 25 От ыйын 2025.
  3. ↑ Практикум для студентов и преподавателей ФЭИ от генерального директора венчурная компания «Якутия». https://www.s-vfu.ru (22 Сэтинньи 2021). Сигэнии күнэ: 25 От ыйын 2025.
  4. ↑ Мининноваций Якутии возглавил Василий Ефимов. https://ysia.ru. ЯСИА (4 Алтынньы 2023). Сигэнии күнэ: 25 От ыйын 2025.
  5. ↑ Глава Якутии освободил Василия Ефимова с поста министра. https://ysia.ru. ЯСИА (30 Балаҕан ыйын 2025). Сигэнии күнэ: 30 Балаҕан ыйын 2025.
  6. ↑ В Якутии министра инноваций Ефимова освободили от должности. https://tass.ru. ТАСС (30 Балаҕан ыйын 2025). Сигэнии күнэ: 30 Балаҕан ыйын 2025.
  7. ↑ «Руководитель должен быть здоровым»: министр инноваций Василий Ефимов на встрече с якутскими школьниками. https://ulus.media. Сигэнии күнэ: 29 От ыйын 2025.

Категориялар