Нуучча тылынанАнал бырайыактар
Тылы уларыт
УРУБИИКИ ТУҺУНАН

Ефимова Карина Александровна

Карина Александровна Ефимова (төр. 2003 сыл бэс ыйын 17 күнэ, Саха сирэ) — Арассыыйа дзюдоистката. 2024 сыллааҕы Арассыыйа чөмпүйүөнэ. Арассыыйа 2024 уонна 2025 сыллардааҕы чөмпүйүөнэ. Арассыыйа успуордун норуоттар икки ардыларынааҕы кылаастаах маастара. Дзюдоҕа Арассыыйа сүүмэрдэммит хамаандатын чилиэнэ. 52 кг диэри ыйааһыннаахтар категорияларыгар күрэхтэһэр.

Олоҕун олуктара

2003 сыллаахха бэс ыйын 17 күнүгэр Дьокуускай куоракка төрөөбүтэ. Успуордунан 2010 сылтан Дьокуускайдааҕы «Оҕо-ыччат 2 №-дээх успуорт оскуолатыгар» дьарыктанан саҕалаабыта. Бастакы тириэньэрэ — Мария Прокопьевна Данилова.

Билигин Екатеринбург куоракка Александр Козлов аатынан Самбо уонна дзюдо ГАУ ДО СО СШОР-угар эрчиллэр. Нюргуяна Владимировна Никифорова, Ольга Васильевна Селянина уонна Гомбодорж Дамдиндорж салалталарынан дьарыктанар. Свердловскай уобалаһы уонна Саха Өрөспүүбүлүкэтин, ону тэҥэ Екатеринбург куорат «Родина» успуорт кулуупун көмүскүүр.

М. К. Аммосов аатынан Хотугулуу-Илиҥҥи федеральнай университеты «Успуорка бэлэмнээһин тиэхинькэтэ» исписээлинэһинэн бүтэрбитэ[3].

Успуорка карьерата

2021 сыл атырдьах ыйыгар Оренбург куоракка ыытыллыбыт улахан дьон ортотугар Европа Кубогар боруонса мэтээли ылбыта. Ол сыл балаҕан ыйыгар Арассыыйа чөмпүйэнээтин финалыгар тахсыбыта. 2022 сыл атырдьах ыйыгар Казань куоракка күүстээх спортсменнэр Спартакиадаларын кыайыылааҕа буолбута[4]. 2024 сыл алтынньытыгар Сочи куоракка бастакытын Арассыыйа чөмпүйүөнэ буолбута[5].

Арассыыйа успуордун маастарын аата 2022 сылга иҥэриллибитэ (2022 сыл муус устар 27 күнүнээҕи 60-нг №-дээх бирикээс). 2025 сылга Арассыыйа успуордун норуоттар икки ардыларынааҕы кылаастаах маастарын аатын ылбыта (2025 сыл муус устар 30 күнүнээҕи 76-нг №-дээх бирикээс)[3].

2025 сыл алтынньытыгар Арассыыйа чөмпүйэнээтин кыайбыта. Кини өрөспүүбүлүкэ устуоруйатыгар дзюдоҕа дойду үрдүнэн икки төгүл чөмпүйүөннээбит бастакы спортсмен буолбута[6].

Успуорт ситиһиилэрэ

Национальнай таһым

  • 2021 сыллаахха юниордарга Арассыыйа бастыыр иһин күрэхтэһии — 1[7]
  • 23-гэр диэри саастаахтар истэригэр Арассыыйа бастыыр иһин күрэхтэһии 2021, 2022 — 1[8][9]
  • 2021 сыллаахха Арассыыйа чөмпүйэнээтэ — 2
  • 2022 сыллаахха Бүтүн Арассыыйатааҕы Спартакиада — 1
  • 23-гэр диэри саастаахтар истэригэр Арассыыйа бастыыр иһин күрэхтэһии 2023, 2024 — 3[10][11]
  • 2024 сыллаахха Арассыыйа чөмпүйэнээтэ — 1
  • 2024 сыллаахха Арассыыйа Кубога — 1
  • Russian Judo Tour 2024 — 2
  • Russian Judo Tour (Хабаровскай) — 1[12]
  • 2025 сыллаахха Арассыыйа чөмпүйэнээтэ — 1

Норуоттар ыккардыларынааҕы таһым

  • Европа Кубога 2021, 2024 — 3

Быһаарыылар

  1. ↑ 1 2 Цитата сыыһата: Сыыһа <ref> тиэк (тег); ysia2022 диэн хос быһаарыыларга аналлаах тиэкис суох
  2. ↑ Цитата сыыһата: Сыыһа <ref> тиэк (тег); ysia диэн хос быһаарыыларга аналлаах тиэкис суох
  3. ↑ 1 2 Ефимова Карина Александровна | Государственное автономное учреждение дополнительного образования Свердловской области спортивная школа олимпийского резерва по самбо и дзюдо имени Александра Козлова(биллибэт). sambo-uralmash.ru. Сигэнии күнэ: 10 Атырдьах ыйын 2026.
  4. ↑ Карина Ефимова стала победительницей Всероссийской Cпартакиады сильнейших. sportyakutia.ru. Сигэнии күнэ: 25 Атырдьах ыйын 2022.
  5. ↑ Fonbet Чемпионат России 2024 Сириус. judo.ru. Сигэнии күнэ: 17 Алтынньы 2024.
  6. ↑ Карина Ефимова стала первой в истории Якутии двукратной чемпионкой России по дзюдо — ЯСИА, Новости Якутии и Якутска — свежие новости онлайн на сайте ysia.ru — ЯСИА (18 Алтынньы 2025). Сигэнии күнэ: 10 Атырдьах ыйын 2026.
  7. ↑ Первенство России 2021. Сигэнии күнэ: 10 Олунньу 2026.
  8. ↑ Первенство России 2021 до 23 лет. Сигэнии күнэ: 10 Олунньу 2026.
  9. ↑ Первенство России 2022 до 23 лет. Сигэнии күнэ: 10 Олунньу 2026.
  10. ↑ Первенство России 2023 до 23 лет. Сигэнии күнэ: 10 Олунньу 2026.
  11. ↑ Первенство России 2024 до 23 лет. Сигэнии күнэ: 10 Олунньу 2026.
  12. ↑ Карина Ефимова стала победительницей Russian judo tour. sportyakutia.ru. Сигэнии күнэ: 10 Олунньу 2026.

Сигэлэр

Эбии бу тиэмэҕэ

Категориялар