Нуучча тылынанАнал бырайыактар
Тылы уларыт
УРУБИИКИ ТУҺУНАН

Дьокуускай дуоҕата

Дьокуускай дуоҕата (нууч. Флаг Якутска) (ол эбэтэр Арассыыйа Бэдэрээссийэтин Саха Өрөспүүбүлүкэтин «Дьокуускай куорат» куораттааҕы уокурук олохтоох (муниципальнай) тэриллиитин былааҕа) — олохтоох (муниципальнай) тэриллиини көрдөрөр бырааптаах бигэргэммит ытык бэлиэ.

Устуоруйата

Дуоҕа 1996 сыллаахха бэс ыйын 20 күнүгэр Дьокуускай куорат дьокутааттарын Мунньаҕын 11-4 №-дээх ыйааҕынан бигэргэммитэ. Дуоҕа туһунан балаһыанньа 1996 сыллаахха балаҕан ыйын 19 күнүгэр Дьокуускай куорат дьокутааттарын Мунньаҕын 12-13 № уурааҕынан ылыныллыбыта[1]. Дуоҕа (былаах) ойуулааһына олохтоох тэриллии устаабыгар киллэриллибитэ[2].

Ойуулааһына уонна дьаралыктара

Дьокуускай куорат дуоҕата халлаан күөх, кыһыл, үрүҥ, кыһыл уонна от күөх өҥнөрдөөх биэс сытыары балаһалардаах, түөрт муннуктаах болотуна. Балаһаларын кэтиттэрэ былаах кэтитигэр хабааннаһыыта (нууч.) (сах. халлаан күөх балаһа — 1/8, кыһыл — 1/16, маҥан балаһа — 5/8, кыһыл — 1/16, от күөх — 1/8. Дуоҕа (былаах) дьиҥнээх кээмэйэ — 2х1 миэтэрэ.

Үрүҥ балаһа ортотугар — кыһыл ромб иһигэр XVII үйэтээҕи башня омооно ойууламмыт — «Дьокуускай куорат» бэлиэтэ. Ромб үрдүгэ былаах кэтитин ½ тэҥнэһэр. Ромб — сири, оттон эргимтэ — күнү, халлааны бэлиэтиир. Сүрүннүүр үрүҥ өҥ — Хотугу кыраай бэлиэтэ; халлаан күөх өҥ — халлаан өҥө; от күөх өҥ — сир, сайын, Туймаада хочотун көрдөрөр; кыһыл өҥ — олох мэктиэтэ, сылаас, үөрүү дьүһүннэрэ буолаллар[3].

Быһаарыылар

  1. ↑ История официальной символики города Якутска (рус.). Сигэнии күнэ: 7 Тохсунньу 2026.
  2. ↑ Устав городского округа Якутск. (рус.). Сигэнии күнэ: 7 Тохсунньу 2026.
  3. ↑ Официальные символы города Якутска (рус.). Сигэнии күнэ: 7 Тохсунньу 2026.

Категориялар