Нуучча тылынанАнал бырайыактар
Тылы уларыт
УРУБИИКИ ТУҺУНАН

Догордуров Егор Дмитриевич

Догордуров Егор Дмитриевич (1916, Хатылы нэһилиэгэ — 1942 сыл балаҕан ыйын 26 күнэ, Ленинград уобалаһа) — ССРС—Финляндия (1939—1940), Аҕа дойду Улуу сэриилэрин кыттыылааҕа, лейтенант[1].

Олоҕун олуктара

Егор Догордуров 1916 сыллаахха Хатылы нэһилиэгэр төрөөбүт.

Саха национальнай байыаннай оскуолатын бүтэрбитэ, онтон Москубаҕа ССРС Осоавиахимын Хамаандалыыр-бэлиитикэлии састаабын Киин оскуолатыгар үөрэммитэ. Үөрэҕин бүтэрбитин кэннэ киниэхэ младшай лейтенант сыбаанньата бэриллибитэ.

Кыһыл Аармыйаҕа 1938 сылтан сулууспалаабыт. ССРС—Финляндия сэриитигэр (1939—1940) кыттыбыт.

Төрөөбүт дойдутугар төннөн кэлэн, Дьокуускай куоракка «Эдэр коммунист» хаһыакка үлэлээбитэ, онтон Амма оройуонун Осоавиахимын сэбиэтин бэрэссэдээтэлинэн анаммыта. Онно хамаандыыр-инструктор уонна оскуола байыаннай салайааччытын дуоһунастарын дьүөрэлээн үлэлээбитэ. Оскуолатыгар ытыы куруһуогун ыытара. Кини үөрэнээччилэрин ортотугар сэрии сылларыгар өстөөх 30 саллаатын уонна офицерын суох гыммыт Иннокентий Васильев баара.

Аҕа дойду Улуу сэриитэ саҕаланыаҕыттан, 1941 сыллаахха Чурапчытааҕы РВК-нан Кыһыл Аармыйа кэккэтигэр ыҥырыллыбыта. Фроҥҥа 1942 сылтан киирбитэ.

1942 сыл балаҕан ыйын 7 күнүгэр Синявино (Ленинград уобалаһа) таһыгар кыргыһыыларга рота хамандыыра лейтенант Догордуров хорсуннук сэриилэспитин иһин Кыһыл Знамя уордьанынан наҕараадаламмыт (өлбүтүн кэннэ)[2].

1942 сыл балаҕан ыйын 28 күнүгэр 369-с туспа разведка ротатын хамандыыра лейтенант Догордуров сэрии толоонугар өлбүт. Синявино таһыгар көмүллүбүт.[3][4]

Аатын үйэтитии

  • Кини аата Хатылы 14-с нүөмэрдээх тыа сирин моделнай бибилэтиэкэ филиалыгар иҥэриллибитэ[5];
  • 2026 сыллаахха Чурапчы улууһун Саввинов аатынан устуоруйа уонна этнография түмэлигэр Е. Д. Догордуров 110 сылыгар аналлаах быыстапка буолан ааспыт[6].

Быһаарыылар

  1. ↑ Снайперы Якутии. Сигэнии күнэ: 25 Бэс ыйын 2022. Архивировано 10 Балаҕан ыйын 2021 года.
  2. ↑ Наградные документы в электронном банке документов «Подвиг Народа»
  3. ↑ Информация в электронном банке документов ОБД «Мемориал»
  4. ↑ Информация в электронном банке документов ОБД «Мемориал»
  5. ↑ Чурапчинская межпоселенческая централизованная библиотечная система. Сигэнии күнэ: 12 Балаҕан ыйын 2021. Архивировано 12 Балаҕан ыйын 2021 года.
  6. ↑ Министр молодежи Якутии Петр Шамаев работает в Чурапчинском районе на форуме «Есть результат» | Якутия24(биллибэт). yk24.ru. Сигэнии күнэ: 7 Атырдьах ыйын 2026.

Сигэлэр

Категориялар