Нуучча тылынанАнал бырайыактар
Тылы уларыт
УРУБИИКИ ТУҺУНАН

Гуляев Дмитрий Алексеевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Гуляев.

Гуляев Дмитрий Алексеевич (1917, Модут нэһилиэгэ, Бүлүү улууһа, Саха уобалаһа — 10.09.1943, Петрово, Смоленскай уобалас) — Аҕа дойду Улуу сэриитин кыттыылааҕа, саха бастакы аатырбыт бэргэн ытааччыта[1].

Олоҕун олуктара

1917 сыллаахха Модут нэһилиэгэр Бүлүү улууһугар төрөөбүт. 1935 с. Сталин аатынан колхуоска киирбит, бастаан утаа абаҕатыгар биригэдьиир Дьэлиһиэй оҕонньорго суруксуттаабыт, кэлин бэйэтэ биригэдьиир буолбут[1].

Аармыйаҕа 1941 с. балаҕан ыйын 2 күнүгэр Бүлүү оройуонун военкоматынан ыҥырыллыбыт. Кылгас кэмнээх байыаннай үөрэххэ сылдьан баран 1942 сыл тохсунньутугар Арҕаа фронт 110-с стрелковай дивизиятын кэккэтигэр киирэн бастакы сэриитигэр кыттыбыт. Сыысхала суох ытарын көрөн кулун тутар 30 күнүгэр оптическай прицеллаах бинтиэпкэни туттарбыттар, снайпер буолбут. Сотору кэминэн бойобуой ахсаана 101 кыдыйыллыбыт өстөөххө тиийбит, уордьанынан, мэтээлинэн, «Туйгун снайпер» бэлиэнэн наҕараадаламмыт, командование көмүс чаһыы бэлэхтээбит. Гуляевы батыһан маассабай снайпердар хамсааһыннара саҕаламмыт[2][3].

Старшина Гуляев 1943 сыллаахха балаҕан ыйын 10 күнүгэр геройдуу өлбүт. Ити кэмҥэ снайпер бойобуой ахсаана 122 өстөөххө тиийбит. Смоленскай уобалас, Ярцевскай оройуон, Петрово дэриэбинэтигэр көмүллүбүт.[4][5]

Наҕараадалара

Аатын үйэтитии

  • Д. А. Гуляев аата Бүлүү улууһун Кыргыдай оскуолатыгар иҥэриллибит;
  • Бүлүү улууһун ытыктаах киһитэ[8]
  • Кини кэриэһигэр М. Е. Тимофеев "Бастакы снайпер" диэн кинигэни суруйбут ((1971 сыллаах, 2011 сыллаахха хаттаан бэчээттэммит);
  • Саха сиригэр Дмитрий Алексеевич Гуляев бирииһигэр буулдьанан ытыыга Өрөспүүбүлүкэтээҕи күрэхтэһии ыытыллар[1].

Быһаарыылар

  1. ↑ 1 2 3 Гуляев Дмитрий Алексеевич (рус.) (27 Тохсунньу 2026).
  2. ↑ Советские снайперы 1941 - 1945. Гуляев Дмитрий Алексеевич (рус.) (27 Тохсунньу 2026).
  3. ↑ Из наградного листа на снайпера Гуляева Дмитрия Алексеевича. 20 мая 1942 г. (рус.). Сигэнии күнэ: 27 Тохсунньу 2026.
  4. ↑ Информация в электронном банке документов ОБД «Мемориал»
  5. ↑ Информация в электронном банке документов ОБД «Мемориал»
  6. ↑ Наградные документы в электронном банке документов «Подвиг Народа»
  7. ↑ Наградные документы в электронном банке документов «Подвиг Народа»
  8. ↑ Почётные граждане Вилюйского улуса. Сигэнии күнэ: 27 Тохсунньу 2026.

Сигэлэр

Категориялар