Громова Анна Ивановна
Анна Ивановна Громова — XX үйэ саҕаланыытыгар, Саха уобалаһыгар улахан эргиэн фирма салайааччыта, меценат. Кини көмөтүнэн В. Л. Серошевскай «Якуты» диэн үлэтэ тахсыбыта.
Биография
XIX үйэ 60-с сылларыгар Иван Громов диэн атыыһыт Архангельскайдан Иркутскайга көспүтэ уонна мануфактуранан, чэйинэн, килиэбинэн уонна бурдугунан атыы-эргиэни саҕалаабыта.
1916 сыллааҕы дааннайдарынан Саха уобаластан түүлээх, балык уонна тыа хаһаайыстыба бородууктарын таһаарыыга Громова атыы дьиэтигэр бойом өлүү тиксэрэ.
Дьокуускайга Гостинай дворга 7 маҕаһыын баара.
1912 сыл муус устар 4 күнүгэр Москва аттыгар Красковка өлбүтэ. Муус устар 24 күнүгэр Иркутскай Тихвинскай сыаркабыгар көмүллүбүтэ.
Уопсастыбыннай үлэтэ
1896 сыллаахха Громова көмөтүнэн В. Л. Серошевскай «Якуты» диэн үлэтэ тахсыбыта.
1898 сыллаахха Лев Толстой Саха уобалаһыгар көскө ыытыллыбыт духобор-бааһынайдарга айаҥҥа көмөлөһөргө булгуччулааҕын иһин Громова Москватааҕы кыбартыыратыгар баран сылдьыбыта. Анна Громова көскө ыытыллыбыттарга көмөлөспүтэ, фирмата духобордары Иркутскайдан Уус-Майа улууһун Нуотаратыгар диэри айаннарын төлөөбүтэ.
1899 сыллаахха Э.Г. фон Толль Кара байҕал, Илин Сибиирдээҕи байҕал, Хотугу Муустаах далайы чинчийээри экспедицияны тэрийбитэ. Экспедицияны Громова өйөөбүтэ. Кэлин Маттисен уонна Александр Колчак көрдөөһүннэригэр Громова кыттыбыта. Экспедиция «Заря» хараабылы бырахпыттарыгар Анна Ивановна «Лена» диэн пароходу ыыппыта. «Лена» хамаандата «Заряттан» суруктары быыһаабыттара. Билимнэр академиялара махтаныы быһыытынан «Заря» параходу бэлэхтээбитэ.
Громова И. М. Сибиряков, Волосович уо. д. а. экспедицияларыгар көмөлөспүтэ.
Аатын үйэтитии
Дьокуускай куорат олохтоохторо биир улууссаларын Громовской диэн ааттыыллара (билигин Е. И. Курашов аатынан уулусса).
Литэрэтиирэ
- Пестерев В. И. История Якутии в лицах. — Якутск: Бичик, 2001. — С. 135—139. — 462 с. — ISBN 5-7696-1606-7