Григорьев Павел Васильевич
Григорьев Павел Васильевич (1930 сыл от ыйын 9 күнэ, Лээги — 1989 сыл балаҕан ыйын 30 күнэ) — Саха АССР култууратын үтүөлээх үлэһитэ, «Бочуот Знага» уордьан кавалера, «Килбиэннээх үлэтин иһин» мэтээллээх.
Олоҕун олуктара
Павел Григорьев 1930 сыллаахха от ыйын 9 күнүгэр Амма оройуонун Лээги нэһилиэгэр төрөөбүт. 1947 с. Наахара сэттэ кылаастаах оскуолатын бүтэрбит. 1947—1950 сс. В. П. Чкалов аатына холкуоска оробуочайдаабыт.
1950—1953 Дьокуускадааҕы кульпросвет училищеҕа үөрэммит. 1953—1955 сс. Өлөөн оройуонун култуураҕа салаатын сэбиэдиссэйинэн үлэлээбит. 1955 сыллаахха Москубатааҕы судаарыстыбаннай библиотечнай институкка киирбит, 1959 сыллаахха бүтэрбитэ[1].
1959—1962 сыллар Саха АССР Култууратын министиэристибэтин культпросвет үлэтин инспектора. 1970 сылтан 1987 сылга диэри кини Саха АССР култууратын миниистирин солбуйааччытынан үлэлээбитэ.
1962 сылтан 1970 сылга диэри Саха АССР Култууратын министиэристибэтин культпросвет үлэтин отделын начаалынньыга, ССКП Дьокуускайдааҕы горкомун инструктора.
1987 сыл бэс ыйын 2 күнүттэн 1989 сыл балаҕан ыйын 30 күнүгэр диэри Саха өрөспүүбүлүкэтээҕи билим бибилэтиэкэ дириэктэринэн үлэлээбитэ.
1989 сыл балаҕан ыйын 30 күнүгэр өлбүт[2].
Наҕараадалара
- «Бочуот Знага» уордьан кавалера;
- «Килбиэннээх үлэтин иһин» мэтээл;
- Саха АССР култууратын үтүөлээх үлэһитэ.