Горюшинская Светлана Валентиновна

Светлана Горюшинская 1982 сыллаахха балаҕан ыйын 2 күнүгэр төрөөбүт.

1989—1994 сылларга Орто Халыма орто оскуолатыгар үөрэммит.

1994—1999 сылларга Дьокуускай куорат 2 №-дээх орто оскуолатыгар үөрэммит^[2].

2005 сыллаахха Москватааҕы Быраап уонна салайыы академиятын «Юриспруденция (нууч.) (сах.» идэтинэн бүтэрбитэ.

2005 сыл олунньутуттан балаҕан ыйыгар диэри «Подросток» Дьокуускай куораттааҕы ыччат уопсастыбаннай тэрилтэтин ресурснай киинин испэсэлииһинэн, ону кытта сынньалаҥ киинин дириэктэринэн үлэлээбитэ.

2006 сыл тохсунньутуттан 2013 сыл олунньутугар диэри Саха Өрөспүүбүлүкэтин Үлэҕэ уонна социальнай сайдыыга министиэристибэтин Дьокуускай куораттааҕы салайыытын бастыҥ испэсэлииһэ. 2013 сыл олунньутуттан алтынньытыгар диэри ити салайыы отделын салайааччытын дуоһунаһыгар үлэлээбитэ.

2013 сыл алтынньытыттан 2021 сыл от ыйыгар диэри Саха Өрөспүүбүлүкэтин Үлэҕэ уонна социальнай сайдыыга министиэристибэтин Дьокуускай куораттааҕы салайыытын салайааччытын солбуйааччыта.

2022 сыл тохсунньутуттан Саха Өрөспүүбүлүкэтин Үлэҕэ уонна социальнай сайдыыга министиэристибэтин дьаһалта үлэҕэ, цифровизация уонна судаарыстыбаннай өҥөлөрү арыаллааһыҥҥа департаменын салайааччыта.

2023 сылга Саха Өрөспүүбүлүкэтин Ил Дарханын ыйааҕынан Саха Өрөспүүбүлүкэтин Нэһилиэнньэ дьарыктаах буолуутугар судаарыстыбаннай кэмитиэтин бэрэссэдээтэлинэн анаммыта^[3].

Кэргэнэ — Артём. Ыал үс оҕолоох — икки кыыс уонна биир уол^[4].