Нуучча тылынанАнал бырайыактар
Тылы уларыт
УРУБИИКИ ТУҺУНАН

Васильев Мелентий Аввакумович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Васильев.

Васильев Мелентий (Мелетий) Аввакумович — Аҕа дойду Улуу сэриитин кыттыылааҕа, гв. капитана, Сунтаар улууһун бочуоттаах олохтооҕо, «Кыһыл сулус» уордьаннаах, «Бойобуой үтүөлэрин иһин», «Хорсунун иһин», «Германияны кыайыы иһин», «Сталинград оборонатын иһин» мэтээллэрдээх[1].

Олоҕун олуктара

1916 сыллаахха Тойбохой нэһилиэгэр Сунтаар улууһугар төрөөбүт. Оҕо сылдьан Сиэйэ оскуолатын тутаах пионердарын ахсааннарыгар киирэр эбит. Хоһоон суруйар, ырыа айар, балалайкаҕа оонньуур эбит.

Саха Сирин республиканскай политико-просветительскай оскуолатыгар үөрэммит, 3 ыйдаах юрист куурсун бүтэрбит. Аармыйаҕа ыҥырыллыар дылы Дьокуускайга прокурор көмөлөһөөччүтүнэн үлэлээбит[2].

Кыһыл Аармыйа кэккэтигэр 1940 сыллаахха ыҥырыллыбыт.

1942 сыл от ыйыгар 252-с стрелковай дивизия 928-с стрелковай полкатыгар автоматчиктар роталарын политруга буолбут. 1943 сыл тохсунньутуттан дивизия 21-с аармыйа састаабыгар киллэриллэн Сталинград фронугар ыытыллыбыт.

1943 сыллаахха «Сталинград көмүскээччитэ» таанка холуонната тутуллуутугар 2000 солкуобайы биэрбит, ол туһунан олунньу 23 күнүгэр дьонугар суруйбут.

"Тохсунньу 11 күнүгэр Ворошилов аатынан Лагерь нэһилиэгин ылыытыгар таб. Васильев бастакынан бэйэтин подразделениетын кытта сэриилэһэн нэһилиэнньэлээх пууҥҥа киирэн бэйэтэ 15 өлөрөн, 10 ньиэмэс саллаатын уонна офицерын билиэҥҥэ ылбыта.

Тохсунньу 29-31 күннэригэр Сталинград уулуссаларыгар кыргыһыыга хорсун быһыытын, харса суоҕун көрдөрбүтэ. Бэйэтин подразделениетын кытта, кыра бөлөх байыастарын кытта немец саллааттарын уонна офицердарын колонналарын атаакалаабыта, ол түмүгэр – 35 өлөрүллүбүт уонна 100 саллаат уонна офицер билиэн ылыллыбыта. Ол күн вокзалы ылыыга таб. Васильев бэйэтэ 15 ньиэмэс саллаатын уонна офицерын суох гыммыта».

И. Ф. Иванов, суруналыыс, «Офицеры – якутяне» кинигэтигэр ССРС Оборуонатын Министиэристибэтин архыыбыттан

Гитлер 6-с аармыйатын кыайан баран, Мелентий Васильев Соҕуруулуу-Арҕааҥы фронт салгыны утары көмүскэл 45-с зенитно-пулеметнай полкатын взводун хамандыыра буолбут. Улуу Кыайыы Күнүн бу чааска сэриилэһэ сылдьан көрсүбүт. Сэтинньи 21 күнүгэр демобилизацияламмыт.

1946-1960 сылларга ССКП Сунтаар райкуомун партийнай аппаратыгар үлэлээбит. 1951 сыллаахха икки сыллаах уобаластааҕы партийнай оскуоланы бүтэрэн, Сунтаар оройуоннааҕы үлэһиттэр дьокутааттарын Сэбиэтин аппараатыгар Райплан бэрэссэдээтэлинэн үлэлээбит[3].

Фроҥҥа старшай лейтенант солотун ылбыт. Кыһыл Сулус уордьанынан, «Сталинграды көмүскээһин иһин» мэтээлинэн наҕараадаламмыт.[4].

Наҕараадалара

  • Аҕа дойду сэриитин I ст. уордьана (06.04.1985);
  • Кыһыл Сулус уордьан (17.02.1943);
  • «Сталинград көмүскэлин иһин» мэтээл;
  • Сунтаар улууһун бочуоттаах олохтооҕо;
  • «Бойобуой үтүөлэрин иһин» мэтээл;
  • «Хорсунун иһин» мэтээл;
  • «Германияны кыайыы иһин» мэтээл[1].

Быһаарыылар

  1. ↑ 1 2 Кутана нэһилиэгэ сэрии сылларыгар (рус.). УлусМедиа. Сигэнии күнэ: 16 Тохсунньу 2026.
  2. ↑ Защитник Сталинграда (рус.). Сигэнии күнэ: 16 Тохсунньу 2026.
  3. ↑ Бессмертный полк (рус.). Сигэнии күнэ: 16 Тохсунньу 2026.
  4. ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.

Категориялар