Борисов Юрий Петрович
Олоҕун олуктара
Юрий Борисов 1989 сыллаахха Амма улууһун Эмис нэһилиэгэр төрөөбүтэ[1].
М. К. Аммосов аатынан ХИФУ РФ Хотугулуу-Илиҥҥи норуоттарын тылларын уонна култууратын институтун магистратуратын (2014) уонна аспирантуратын (2018) бүтэрбитэ. «Ритмико-синтаксический параллелизм в якутском олонхо и тюрко-монгольских эпосах: сравнительный аспект» диэн тиэмэҕэ хандьыдаат диссертациятын көмүскээбитэ (2017).
«Баһырҕастаах аттаах Баабый Баатыр» олоҥхо ааптара.
2011 с. Саха Өрөспүүбүлүкэтин А. Е. Кулаковскай аатынан анал стипендиятын стипендиата.
2014 с. Дьокуускай куоракка ыытыллыбыт «Муҥха олоҥхото — 2014» эдэр олоҥхоһуттар өрөспүүбүлүкэтээҕи куонкурустарыгар «Бастыҥ олоҥхоһут» номинация кыайыылааҕа.
2014 сыл ахсынньы 27 күнэ, Дьокуускай к. «Эдэр гражданин ситиһиитин формулата» VII өрөспүүбүлүкэтээҕи оҕо гражданскай форумун тэрийиигэ уонна ыытыыга көмөтүн иһин Саха Өрөспүүбүлүкэтин Үөрэҕирии министиэристибэтин Махтал суруга.
2015 с. Өрөспүбүлүкэтээҕи олоҥхо ыһыаҕын олоҥхо күрэҕин кыайыылааҕа[2].
2019 сыллаахха Саха Өрөспүүбүлүкэтин Ил Дарханын иһинээҕи Олоҥхо иккис уон сылыгар бэлэмнээһиҥҥэ уонна ыытыыга Национальнай тэрийэр кэмитиэт «Бастыҥ олоҥхоһут» бириэмийэтин лауреата.
2024 сыл бэс ыйын 28 күнүгэр Саха Өрөспүүбүлүкэтин Бырабыыталыстыбатын «Өрөспүүбүлүкэ социальнай-экономическай сайдыытыгар өҥөлөрүн иһин» грамотата.
Быһаарыылар
Ылыллыбыт сирэ
- Борисов Юрий Петрович «Баһырҕастаах аттаах Баабый Баатыр» олоҥхо — Дь., Сайдам, 2014