Нуучча тылынанАнал бырайыактар
Тылы уларыт
УРУБИИКИ ТУҺУНАН

Байбал Сэмэнэп

Байбал Сэмэнэп (толору аата Павел Степанович Семенов) (төр. 1974 сыл от ыйын 2 күнэ, Тыымпы, Саха АССР) — cаха ырыаһыта, ырыа айааччыта. Саха Өрөспүүбүлүкэтин үтүөлээх артыыһа. Саха эстрадатын судаарыстыбаннай тыйаатырын вокалиһа.

Олоҕун олуктара

1974 сыл от ыйын 2 күнүгэр Бүлүү улууһугар Тыымпыга төрөөбүт[1].

1996 сыллаахха култуура уонна ускуустуба колледжын бүтэрбитэ. Педагога Саха Өрөспүүбүлүкэтин үтүөлээх артыыһа Владимир Ильич Заболоцкай[1].

1998 сыллаахха Кулаковскай аатынан тыйаатырга «Уол ырыата» диэн сольнай бырагыраамалаах тахсыбыта[1].

2009 сыллаахха «Саха Сирин үтүөлээх артыыһа» ааты ылбыта.

2024 сыллаахха «Холбон» рок-бэстибээлгэ «Дапсы» бөлөх састаабыгар таҕыспыта. Хас да сыл буолан баран бөлөх төрүт састаабынан оонньообута[2].

Христофор Максимов «Дэгэрэн ырыа» пуондун чилиэнэ.

Айар олоҕо

1994 сыллаахха «Дапсы» бөлөҕүгэр ырыаһыт идэтин саҕалаабыта.

«Бабочкалаах уолаттар» (салайааччылара С. уонна Е. Неустроевтар) ансаамбылга ыллыы сылдьыбыт.

Байбал Сэмэнэп элбэх ырыата Арбита хоһоонноругар олоҕурар[3].

Ситиһиилэрэ

  • «Саҥа ааттар-94» конкурс, гран-при;
  • «Мин ырыам бүтэһик матыыба» (Бүлүү, 1995) конкурс, гран-при;
  • «Сааскы кылыһахтар» конкурс, лауреат;
  • «Чуона-94»;
  • «Дьокуускай-97» конкурс, лауреат;
  • «Этигэн хомус» конкурс (2000, 2002, 2003, 2005, 2007 сс.), «Сыл хита», «Сыл бастыҥ ырыаһыта», «Бастыҥ бөлөх» («Дапсы» бөлөҕү кытта) номинацияларга кыайбыт.

Ырыаларын хомуурунньуктара

  • «Бар дьоммор» (1998), альбом;
  • «Байбал» (2005), компакт-диск;
  • «Таайбыт курдук» (2007), альбом;
  • «Ырыа хайтах үөскүүрүй?», альбом.

Концертара

  • «Бар дьоммор» (1998);
  • «Миэхэ эн мэлдьитин» (2002);
  • «Таайбыт курдук» (2007);
  • «Мин эйгэм» (2008);
  • «Сүрэхпэр тыын туолар, Ырыабар тыл туолар» (2011);
  • «Оһуордаах олохпун ырыабар тиһэбин» (2011);
  • «Таптал ырыа, Ырыа таптал» (2013);
  • «Барасыай билгэтэ» (2013);
  • «Хайыаҥ этэй?..» (2016);
  • «Күһүнү таптыыбын. 20 сыл сыанаҕа» (2016).

Тыйаатыр

Байбал Сэмэнэп Мюзикларга оонньообута[1].

Оруоллара:

  • Киристэпиэл — сүрүн оруол;
  • Сүрэх тэбэрин тухары — сүрүн оруол;
  • Мааппа — сүрүн оруол;
  • Тыыммын ылан Тыыҥҥар холбоо — Күһэҥэй кырдьаҕас оруола;
  • Буратино — Папа Карло оруола.

Ырыалара

Барыта 50 тахса ырыалаах. Үксүн бэйэтэ суруйар, матыыптыыр. Ырыалар:

  • Абылаама;
  • Ийэбэр;
  • Ахтылҕан;
  • Оһуордаах ыйдаҥа;
  • Үөрүү;
  • Миэхэ эн мэлдьитин;
  • Эн эрэ;
  • Таммах;
  • Туман буолбут;
  • Үс хатыҥ;
  • Үөрүүлэр.

Наҕараадалара уонна ытык ааттара

  • «Этигэн хомус» бириэмийэ үрүҥ көмүс хомуһун биэс төгүллээх кыайыылааҕа;
  • Саха Өрөспүүбүлүкэтин култууратын туйгуна;
  • Саха Өрөспүүбүлүкэтин үтүөлээх артыыһа;
  • Норуоттар ыккардыларынааҕы «Урал-Моно» конкурс (Уфа, Башкортостан, 2004), лауреат;
  • «Этигэн Хомус» 5 төгүллээх кыайыылааҕа;
  • М. Е. Николаев махтал суруга.

Тус олоҕо

Ийэтэ — Сивцева Марфа Васильевна[4].

Убайа — Степан Семенов (1963—1992), «Ай-тал» рок-бөлөх солиһа[4].

Убайа — Аскалон Павлов, ырыаһыт.

Саха ырыаһыта Василий Еремеев кини племяннига[5].

Урукку кэргэнэ — Нинель. Ыал уол оҕолоро — Аскалон Сэмэнэп (1999 төр.)[3].

Быһаарыылар

  1. ↑ 1 2 3 4 Павел Семенов — Байбал — заслуженный артист РС (Я). http://sakhaestrada.ru. Сигэнии күнэ: 23 Балаҕан ыйын 2025.
  2. ↑ Якутск на три дня станет столицей рока Дальнего Востока (https://www.yakutia24.ru).+Сигэнии күнэ: 23 Балаҕан ыйын 2025.
  3. ↑ 1 2 Волшебная нота Байбала. Сигэнии күнэ: 23 Балаҕан ыйын 2025.
  4. ↑ 1 2 Легенда якутской эстрады Байбал поздравил матерей сольником. https://yakutsk.bezformata.com. Сигэнии күнэ: 23 Балаҕан ыйын 2025.
  5. ↑ «Ырыа киэһэтэ» биэриигэ: Байбал Сэмэнэп. https://nvk-online.ru. НВК Саха (15 Тохсунньу 2021). Сигэнии күнэ: 23 Балаҕан ыйын 2025.

Литэрэтиирэ

  • Протопопова Наталия Ивановна Байбал. — Дьокуускай: Бичик, 2005. — 52 p.

Сигэлэр

Категориялар