Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларытИһитиннэрии
УРУБИИКИ ТУҺУНАН

Заболоцкай Владимир Ильич

Владимир Ильич Заболоцкий (1953 кулун тутар 12, Дьокуускай) — сэбиэскэй уонна Арассыыйа эстрада уонна опера артыыһа (бас уонна бас-баритон), ырыаһыт, ырыа айааччы. Саха Өрөспүүбүлүкэтин норуодунай артыыһа.

Олоҕун олуктара

1953 сыл кулун тутар 12 күнүгэр Дьокуускайга Платон Алексеевич Ойуунускай аатынан Саха музыкальнай-драматическай тыйаатырын артыыстарын дьиэ кэргэнигэр төрөөбүтэ: опера ырыаһыта Илья Петрович Перевалов уонна Анна Петровна Заболоцкая. Илья Петрович Перевалов Марк Николаевич Жирков уонна Генрих Максимович Литинскэй «Дьулуруйар Ньургун Боотур» диэн операларыгар Ньургун партиятын бастакынан толорбута, бу операҕа Анна Петровна Заболоцкая Айыы Умсуур удаҕан партиятын толорбута[1].

Марк Николаевич Жирков аатынан Дьокуускайдааҕы муусука училищетыгар вокалга үөрэммитэ. 1972 сыллаахха Москваҕа Бүтүн Арассыыйатааҕы эстрада ускуустубатын айар мастарыскыайын бүтэрбитэ[2].

1970 сылтан Саха Өрөспүүбүлүкэтин Эстрада судаарыстыбаннай тыйаатырыгар үлэлиир. 1993 сылтан Саха Өрөспүүбүлүкэтин Опера уонна балет судаарыстыбаннай тыйаатырын солиһа, классика уонна национальнай репертуарга бас партиялары толорор[3].

Айар үлэтэ

Эстрада ырыаһыта уонна ааптар-толорооччу быһыытынан бэйэтэ суруйбут ырыаларын толорор. 60-тан тахса ырыа ааптара уонна Ырыа ааптардарын сойууһун чилиэнэ[3].

Опера тыйаатырыгар классическай операларга бас партиялары уонна национальнай туруорууларга сүрүн партиялары толорор[2].

2025 сыл ыам ыйыгар Саха Өрөспүүбүлүкэтин Опера уонна балет судаарыстыбаннай тыйаатырын камернай саалатыгар Улуу Аҕа дойду сэриитин кыттыылаахтара — Саха музыкальнай-драматическай тыйаатырын артыыстарын кэриэһигэр анаммыт «За Родину!» диэн соҕотох кэнсиэр буолан ааспыта[4].

Наҕараадалара уонна ытык ааттара

  • Саха Өрөспүүбүлүкэтин норуодунай артыыһа;
  • Саха Өрөспүүбүлүкэтин үтүөлээх артыыһа;
  • Саха Өрөспүүбүлүкэтин Судаарыстыбаннай Мунньаҕын (Ил Түмэн) Бочуотунай грамотата;
  • Саха Өрөспүүбүлүкэтин Култуураҕа уонна духуобунай сайдыыга министиэристибэтин Бочуотунай грамотата;
  • «Кыайыы» өрөспүүбүлүкэтээҕи тэрийэр кэмитиэтин Бочуотунай грамотата[2];
  • Уус-Алдан улууһун Ытык олохтооҕо;
  • Уус-Алдан улууһун Баайаҕа нэһилиэк Ытык олохтооҕо.

Быһаарыылар

  1. ↑ В. Индигирский: О концерте народного артиста Республики Саха (Якутия) Владимира Заболоцкого (рус.). SakhaLife (17 Кулун тутар 2024). Сигэнии күнэ: 3 Балаҕан ыйын 2026.
  2. ↑ 1 2 3 Владимир Заболоцкий (рус.). Государственный театр оперы и балета Республики Саха (Якутия) имени Дмитрия Константиновича Сивцева — Суоруна Омоллоона. Сигэнии күнэ: 3 Балаҕан ыйын 2026.
  3. ↑ 1 2 Владимир Заболоцкий (рус.). Государственный театр эстрады Республики Саха (Якутия) имени Юрия Егоровича Платонова. Сигэнии күнэ: 3 Балаҕан ыйын 2026.
  4. ↑ Владимир Заболоцкий: Генная память и служение театру (рус.). SakhaLife (12 Ыам ыйын 2025). Сигэнии күнэ: 3 Балаҕан ыйын 2026.

Наҕараадалара уонна ытык ааттара

  • Саха Өрөспүүбүлүкэтин үтүөлээх артыыһа
  • Саха Өрөспүүбүлүкэтин норуодунай артыыһа[1] (2010)
  • Уус-Алдан улууһун Ытык олохтооҕо

Быһаарыылар

Категориялар