Багынанов Павел Николаевич
Павел Николаевич Багынанов (төр. 1979 сыл алтынньы 13 күнэ, Дьокуускай) — Арассыыйа судаарыстыбаннай диэйэтэлэ. Саха Өрөспүүбүлүкэтин баай-дуол уонна сир сыһыаннаһыыларын миниистирэ (2023 сыл алтынньы 4 күнүттэн).
Олоҕун олуктара
Павел Багынанов 1979 сыллаахха алтынньы 13 күнүгэр Дьокуускайга төрөөбүт.
Үөрэҕэ
1999 сыллаахха Дьокуускайдааҕы үп-экэниэмикэ кэллиэһин «үп» идэтинэн бүтэрбитэ.
2002 сыллаахха Хабаровскайдааҕы экэниэмикэ уонна быраап судаарыстыбаннай академиятын «Үп уонна кирэдьиит» идэтинэн бүтэрбитэ.
2017 сыллаахха Арассыыйа Федерациятын Бэрэсидьиэнин иһинэн Арассыыйатааҕы норуот хаһаайыстыбатын уонна судаарыстыбаннай сулууспа академиятын «Экэниэмикэ» идэтинэн бүтэрбитэ.
Үлэтэ
1999—2003 сылларга Саха Өрөспүүбүлүкэтин Федеральнай казначействотын салайыытын ороскуот салаатын специалиһа.
2003—2003 сылларга «Коммункомплектация» ГУП маркетинг салаатын начаалынньыга.
2003—2005 сылларга СӨ Федеральнай казначействотын салайыытын казначейа, старшай казначейа.
2006—2007 сылларга СӨ Федеральнай казначействотын салайыытын кылаабынай казначейа.
2007—2010 сылларга СӨ Федеральнай казначействотын салайыытын бүддьүөт толоруллуутун кассанан нэһилиэстээһин салаатын начаалынньыга.
2010—2016 сылларга СӨ үп миниистирин солбуйааччыта.
2016—2022 сылларга СӨ үп миниистирин бастакы солбуйааччыта[1].
2022—2023 сылларга «РИК плюс» АО коммерческай, ситэриилээх дириэктэрэ.
2023—2023 сылларга «ИФК РФА Инвест» АО генеральнай дириэктэрэ (эбии үлэ быһыытынан).
Саха Өрөспүүбүлүкэтин Ил Дарханын 2023 сыл алтынньы 4 күнүнээҕи 47 №-дээх Ыйааҕынан Саха Өрөспүүбүлүкэтин баай-дуол уонна сир сыһыаннаһыыларын миниистиринэн анаммыта[2].
Наҕараадалара
- Саха Өрөспүүбүлүкэтин Баһылыгын грамотата[2].