Атласов Иван Паисьевич

Иван Атласов 1901 сыллаахха бэс ыйын 25 күнүгэр Дьокуускайга төрөөбүт, Камчаатканы «арыйбыт» аатырбыт Атласов сыдьаана дииллэр. Өрөбөлүүссүйэ кэмигэр бастаан Колчакка сулууспалаабыт, онтон кыһылларга.

1925 сыллаахха Томскай университетын геология салаатыгар киирбит. Кэлин туох баар үлэтин Киин Сибиир хотугу уобаластарын чинчийиигэ анаабыт: Үөһээ Дьааҥы массивын, Өлүөнэ, Халыма, Дьааҥы, Инидигир өрүстэр алын тардыыларын, бу сирдэргэ кини сабаҕалааһынынан таас чох, көмүс, хорҕолдьун уонна благороднай тимирдэр хостонор сирдэрэ аһыллыбыта^[1].

1932 с. Дьааҥы өрүс баһыгар көмүс көрдүү сылдьан Орулган сиһи (үрдүгэ 2389 м) чинчийбит уонна үгүс өттүн каартаҕа киллэрбит, х.к. 69 кыраадыһыттан 67° диэри, устатын быһаарбыт (500 км). Омолой үрэх хаҥас кытылыгар Орулганы кытта биир хайысхалаах Сиетиндэн сис (200 км) баарын бэлиэтээбит.

Аҕа дойду Улуу сэриитин кэмигэр полярнай эргимтэ таһынааҕы оройуоннарга уматыгы чинчийбитэ^[2].

• Атласов И. П. Орулганский хребет // Геология, геоморфология, полезные ископаемые. Труды Арктич. ин-та,- 1938, т. 99.
• Атласов И. П., Головачев Ф. А., Первунинский В. А. Геологическое строение и полезные ископаемые правобережной части бассейна р. Собопол // Труды НИИГА,- 1952, т. 42.
• Атласов И. П. Новые данные по геологии и полезным ископаемым хребта Орулган и Приленской платообразной равнины // Труды НИИГА,- 1954, т. 43.
• Атласов И. П. Геологическое строение северной части Верхоянского хребта // Геология Советской Арктики. Тр. НИИГА.- Т. 81, М.: Гос. Науч.-тех. изд-во по геологии и охране недр СССР, 1957,- С. 424—460.^[3]

• Бочуот знаага;
• Сир аннынааҕы баай чуҥнааһынын туйгуна^[2].