Нуучча тылынанАнал бырайыактар
Тылы уларыт
УРУБИИКИ ТУҺУНАН

Андросов Николай Егорович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Андросов.

Андросов Николай Егорович (1936 сыл олунньу 27 күнэ, Анаабыр улууһа, Саха АССР — 2006 сыл кулун тутар 7 күнэ) — Анаабыр улууһун баһылыга (1990—2002 сс.). Саха Өрөспүүбүлүкэтин ытык киһитэ (2001).

Олоҕун олуктара

Николай Андросов 1936 сыллаахха олунньу 27 күнүгэр Саха АССР Анаабыр улууһун Уудьа с. көс олохтоох дьиэ кэргэнигэр төрөөбүт. Омугунан эбэҥки.

1964 с. Үрдүкү партийнай оскуоланы бүтэрбит. Учуутал уонна зоотехник идэлээх.

Үлэтэ

  • 1955—1958 сс. — учуутал, «Знамя ленинизма» диэн Анаабыр улуустааҕы хаһыатыгар эппиэттээх секретарь.
  • 1958—1964 сс. — парткабинет сэбиэдиссэйэ, райпартком секретарын солбуйааччыта, освобожденный секретарь парткома совхоза «Анаабыр» совхоз парткомугар босхоломмут секретарь, Үрдүкү партийнай оскуолаҕа үөрэнэр.
  • 1965—1969 сс. — Уус-Маайа, ол кэннэ Булуҥ улуустарыгар партия райкомнарын салаатыгар сэбиэдиссэй.
  • 1969—1981 сс. — ССКП Булуҥнааҕы райкомугар секретарь, иккис секретарь.
  • 1981—1982 сс. — Орто Халыма райкомугар бастакы секретарь.
  • 1983—1989 сс. — ПО «Якутзолото» «Якутцветметстрой» тэрилтэтигэр начальник солбуйааччыта, Бүлүү ГЭС-н тутар Салалта «Якутэнергопромстрой» тэрилтэтигэр дьаһайааччы солбуйааччыта.
  • 1989—1990 сс. — «Анаабыр» совхоз дириэктэрэ, ону тэҥэ Анаабыр оройуонун норуодунай депутаттарын сүбэтин бэрэссэдээтэлэ.
  • 1990—2002 сс. — Анаабыр улууһун норуодунай дьокутааттарын мунньаҕын салайааччыта уонна улуус дьаһалтатын баһылыга.
  • Саха АССР Үрдүкү Сүбэтин XIV ыҥырыытын дьокутаата.

Наҕараадалара уонна ытык ааттара

  • Саха Өрөспүүбүлүкэтин ытык киһитэ (2001)[1];
  • РСФСР үөрэҕириитин туйгуна;
  • Саха Өрөспүүбүкэтин үөрэҕириитин туйгуна;
  • Саха Өрөспүүбүлүкэтин айылҕатын харыстааһын туйгуна;
  • ССРС погранвойскаларын туйгуна;
  • Саха Өрөспүүбүлүкэтин норуотун хаһаайыстыбатын үтүөлээх үлэһитэ.

Аатын үйэтитии

  • 2017 сыл кулун тутар 15 күнүгэр Дьокуускайга Аммосов уул. Николай Андросов олорбут дьиэтигэр өйдөбүнньүк дуоска туруоруллубута[2].

Быһаарыылар

Сигэлэр

Категориялар