Нуучча тылынанАнал бырайыактар
Тылы уларыт
УРУБИИКИ ТУҺУНАН

Андреев Владислав Витальевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Андреев.

Владислав Витальевич Андреев (1987 сыл ыам ыйын 4 күнэ, Марха нэһилиэгэ, Саха АССР) — арассыыйа уонна беларусь көҥүл тустууга, Беларусь чөмпүйэнээттэрин чөмпүйүөнэ уонна призера, Европа уонна Аан дойду чөмпүйэнээттэрин призера, Аан дойду кубогын кыайыылааҕа, Арассыыйа спордун норуоттар ардыларынааҕы кылаастаах маастара[1].

Карьерата

1987 сыллаахха ыам ыйын 4 күнүгэр Саха АССР Ньурба улууһун Марха нэһилиэгэр төрөөбүтэ. Тустуунан 1998 сыллаахха үлүһүйбүтэ. Бастакы тренерэ Иван Васильевич Бурнашев.

Онтон В. П. Керемясов салалтатынан Дьокуускай ДЮСШ-3 дьарыктаммыта. 2006 сыллаахха Беларусь сүүмэрдэммит хамаандатыгар көспүтэ, тренердэринэн В. Н. Мурзинков уонна В. П. Керемясов буолбуттара.

2014 сыллаахха Саха сирин бастыҥ спортсменынан билиниллибитэ[2]. 2014 сыллаахха биир дойдулаахтара Ньурба куоракка квартира сертификатын үөрүүлээх быһыыга-майгыга туттарбыттара[3].

2015 сыллаахха Бакуга Европа оонньууларыгар Белоруссияттан кытта сылдьан грузия тустуугун кытта охсуспутун иһин иккиэн дисквалификацияламмыттара[4].

2021 сыл ахсынньытыгар спортивнай карьератын түмүктээбитэ. Улахан спортан үөрүүлээх атаарыы төрөөбүт Ньурба оройуонугар ыытылыбыта: биир дойдулаахтарын аатынан Антоновка сэлиэнньэҕэ көҥүл тустууга өрөспүүбүлүкэтээҕи турнира ыытыллыбыта, тустуукка Саха сирин физическэй культуратын уонна спордун үтүөлээх үлэһитин аатын иҥэрбиттэрэ, «УАЗ-патриот» массыынаны бэлэхтээтибиттэрэ[5].

Беларусь Өрөспүүбүлүкэтин ыччат сүүмэрдэммит хамаандатын старшай тренеринэн үлэлиир.

Спортка ситиһиилэрэ

  • 2003 сыл — Арассыыйа бастыҥнарын (УИБУо) зональнай этээбин (Благовещенскай), «Ковёр БАМа» бүтүн арассыыйатааҕы турнирын (Нерюнгри), Үөрэнээччилэр спартакиадаларын зональнай күрэхтэһиилэрин (Хабаровскай) кыайыылааҕа, эдэрдэргэ Арассыыйа бастыҥнарын (Самара) боруонса призёра.
  • 2004 сыл — эдэрдэргэ Арассыыйа күрэхтэһиитин, А. Медведь бирииһигэр уонна Д. Коркин кэриэһигэр аан дойдутааҕы турнирдар кыайыылаахтара, Европа күрэхтэһиитин (Стамбул) уонна эдэрдэргэ аан дойдутааҕы турнир (Минскэй) боруонса призера.
  • 2005 сыл — ыччат уонна улахан дьон ортотугар Беларусь чөмпүйэнээттэрин боруонса призера.
  • 2006 сыл — Беларусь Өрөспүүбүлүкэтин чөмпүйүөнэ, Гран-при сериятын аан дойдутааҕы турнирын кыайыылааҕа (Германия, Лейпциг), Европа чөмпүйэнээтигэр (Москва) уонна устудьуоннарга аан дойду чөмпүйэнээтигэр (Монголия, Улан-Батор) 5 миэстэ, ыччаттарга аан дойду чөмпүйэнээтин (Гватемала — 13 миэстэ) уонна аан дойду чөмпүйэнээтин (Кытай, Гуанчжоу — 16 миэстэ) кыттыылааҕа.
  • 2008 сыл — устудьуоннарга аан дойду чөмпүйэнээтин боруонса призера (Салоники).
  • 2009 сыл — Европа чөмпүйэнээтин боруонса призера (Вильнюс).
  • 2010 сыл — Аан дойду Кубогын кыайыылааҕа (Москва), байыаннай сулууспалаахтарга Европа чөмпүйэнээтин боруонса призера (Лахти).
  • 2011 сыл — Европа чөмпүйэнээтин боруонса призера (Дортмунд).
  • 2013 сыл — Европа чөмпүйэнээтин боруонса призера (Тбилиси).
  • 2014 сыл — Аан дойду чөмпүйэнээтин (нууч.) (сах. боруонса призера (Ташкент).
  • 2018 сыл — Европа чөмпүйэнээтин (нууч.) (сах. боруонса призера (Каспийскай).

Байыаннай сулууспалаахтар ортолоругар СНГ чөмпүйүөнэ. Норуоттар ардыларынааҕы үгүс турнирдар кыайыылаахтара уонна призердара.

Наҕараадалара уонна ытык ааттара

  • Арассыыйа успуордун норуоттар икки ардыларынааҕы кылаастаах маастара;
  • Беларусь успуордун норуоттар икки ардыларынааҕы кылаастаах маастара;
  • Беларусь успуордун үтүөлээх маастара (2025)[6].

Быһаарыылар

  1. ↑ wrestling
  2. ↑ yakutiamedia
  3. ↑ Бронзовому призеру чемпионата мира по вольной борьбе подарили квартиру в Якутии. ЯкутМедиа (15 Алтынньы 2014). Сигэнии күнэ: 12 От ыйын 2026. Архивировано 1 Бэс ыйын 2019 года.
  4. ↑ Белорусский и грузинский борцы дисквалифицированы за драку на Европейских играх в Баку, Спортс’’. Сигэнии күнэ: 2 Атырдьах ыйын 2026.
  5. ↑ Именитый борец Владислав Андреев завершил спортивную карьеру — Yakutia-daily.ru, Yakutia-Daily.ru — свежие новости Якутии и Якутска – все важное и интересное (22 Ахсынньы 2021). Сигэнии күнэ: 12 От ыйын 2026.
  6. ↑ Борец из Нюрбы получил награду из рук президента Белоруссии Александра Лукашенко. Сигэнии күнэ: 19 Атырдьах ыйын 2026.

Сигэлэр

Категориялар