Нуучча тылынанАнал бырайыактар
Тылы уларыт
УРУБИИКИ ТУҺУНАН

Аммосова Елена Еремеевна

Елена Еремеевна Аммосова (1915 сыл муус устар 8 күнэ, Сатаҕай — 2000 сыл кулун тутар 21 күнэ) — учуутал, норуот маастара. Саха АССР ускуустубатын үтүөлээх деятелэ (1982).

Олоҕун олуктара

Елена Еремеевна 1915 сыллаахха муус устар 8 күнүгэр Алтан нэһилиэгэр төрөөбүтэ. Кини 6 сааһыттан таҥас тигэргэ, иискэ үөрэммитэ. 5 кылаас үөрэхтэнэн 15 сааһыгар улахан дьону ааҕарга, суруйарга үөрэппитэ.

1936 сыллаахха Дьокуускай педагогическэй рабфагын бүтэрбитэ.

1938—1972 сылларга Елена Еремеевна араас улуус оскуолаларыгар учууталлаабыта. Елена Еремеевна оҥоһуктара Аан дойдутааҕы быыстапкаларга кыттыбыта.

Елена Еремеевна 2000 сыллаахха кулун тутар 21 күнүгэр өлбүтэ[1].

Үлэтэ

Елена Аммосова XVIII—XIX үйэлэр таҥаһын реконструкциялаабыта. Саха омугар, ону таһынан хотугу аҕыйах ахсааннаах норуоттарга эбээннэргэ, эбэҥкилэргэ, дьүкээгирдэргэ уонна дулгааннарга таҥаһы тикпит уус[2].

Сүрүн үлэлэрэ[3]:

  • Эбэҥки эр киһитин таҥаһын комплекта (болтуо, бэргэһэ, түөс таҥаһа) (1982);
  • Саха дьахтарын кыһыҥҥы таҥаһын комплекта (1982);
  • Саха эр киһитин кыһыҥҥы таҥаһын комплекта (1982);
  • Оҕо таҥаһын комплекта (1982);
  • Кытыылаах сон (1982);
  • Саха көбүөрэ (1983);
  • Ат мала: чаппараах, кычым, лэпсэ (1984);
  • Таҥалай сон (1988).

Кинигэлэрэ

Иистэниигэ хас да методическай босуобуйа ааптара.

  • «Ремесла предков вчера и сегодня» (1989)
  • «Елена Аммосова. Народные истоки творчества» (1994).

Наҕараадалара

Быһаарыылар

  1. ↑ Энциклопедия Якутии: [в 4 томах] / Владимиров Л. Н.. — Якутск: Академия наук РС(Я), 2024. — Т. 1. — 739 с. — ISBN 978-5-6053278-1-3
  2. ↑ Хранительница ремесел предков (10 Муус устар 2025). Сигэнии күнэ: 30 Ахсынньы 2025.
  3. ↑ Елена Еремеевна Аммосова: народная мастерица, заслуженный деятель искусств Якутской АССР: буклет к 75-летию со дня рождения. — Якутск, 1990.

Категориялар