Алексеев Артур Николаевич

Артур Алексеев 1948 сыллаахха тохсунньу 10 күнүгэр Уус-Алдан оройуонун Сыгай с. төрөөбүт.

1972 сыллаахха Сибиирдээҕи автомобильно-дорожнай институту инженер идэтигэр үөрэнэн бүтэрбит (Омск к.). 1980 с. — Хабаровскайдааҕы Үрдүкү партийнай оскуоланы (нууч.) (сах. бүтэрбит. 1983 с. — ССКП КК иһинэн уопсастыбаннай билимнэр Академияларын салайар партийнай уонна сэбиэскэй кадрдар үрдэтинэр институттарын бүтэрбит.

ЫБСЛКС чилиэнэ (1964), ССКП чилиэнэ (1975).

1972 сылтан ЫБСЛКС Дьокуускайдааҕы горкома, сэкирэтээр, бастакы сэкирэтээр.

1975 муус устар — Саха АССР Миниистирдэрин Сүбэтин инструктора.

1975 сэтинньи — Иккис сэкирэтээр.

1983 сылтан ССКП Уус-Маайатааҕы райкома, бастакы сэкирэтээр.

1986 сылтан ССКП обкома, тэрийэр-партийнай салаа сэбиэдиссэйэ.

1988 сылтан ССКП Дьокуускайдааҕы горкома, бастакы сэкирэтээр.

1991 сылтан «Якутавтодор» генеральнай дириэктэрин солбуйааччыта.

1991 сылтан 2002 сылга диэри КПРФ Саха сирин өрөспүүбүлүкэтээҕи кэмитиэтин бастакы сэкирэтээрэ, КПРФ КК чилиэнэ этэ^[2].

1993 сылтан «РОССАХА», генеральнай дириэктэр.

1998—1999 сс. — ЗОА «Фонд реализации программы социально-экономического развития РС(Я)» тэрилтэни эһэр комиссия бэрэссэдээтэлэ.

2002 сылтан 2008 сылга диэри Саха Өрөспүүбүлүкэтин Бырабыытыластыбатын Бэрэссэдээтэлин солбуйааччыта.

2009 сылтан 2014 сылга диэри «„Трансстрой-Восток“ корпорация» ААУ генеральнай дириэктэрин солбуйааччытынан үлэлээбитэ.

Саха АССР Үрдүкү Сүбэтин X, XI ыҥырыыларын дьокутаата, Саха ССР Үрдүкү Сүбэтин XII ыҥырыытын дьокутаата. Саха Өрөспүүбүлүкэтин Ил Түмэнин I, II ыҥырыыларын дьокутаата.

2024 сыллаахха муус устар 15 күнүгэр Москва куоракка өлбүтэ^[3].

• Бочуот Бэлиэтэ уордьан;
• Саха Өрөспүүбүлүкэтин норуотун хаһаайыстыбатын үтүөлээх үлэһитэ;
• «За строительство БАМа» мэтээл.