Алексеев Александр Иванович
Алексеев Александр Иванович (1958 сыл балаҕан ыйын 10 күнэ, Кэптин, Саха АССР — 2025 сыл кулун тутар 5 күнэ, Дьокуускай) — балет артыыһа, С. А. Зверев аатынан Саха судаарыстыбыннай үҥкүү тыйаатырын дириэктэрэ (1992—2025). СӨ култууратын үтүөлээх үлэһитэ (2010). Арассыыйа Федерациятын култууратын үтүөлээх үлэһитэ (2018).
Биография
1958 сыллаахха балаҕан ыйын 10 күнүгэр Горнай Кэптинигэр төрөөбүтэ.
Хабаровскайдааҕы култуура институутун 1983 сылга үҥкүү кэллэктиибин салайааччыта диэн идэни ылан бүтэрбитэ.
1995 сылга Хабаровскайдааҕы судаарыстыбаннай ускуустуба уонна култуура институутун социальнай сфера менеджер-экэнэмииһэ идэтинэн бүтэрбитэ[1].
Үлэтэ
1983 сылтан Саха сирин судаарыстыбаннай үҥкүү ансаамбылын артыыһа.
1992 сылтан 2025 сылга диэри Үҥкүү Национальнай тыйаатырын дириэктэрэ[2].
Саха Өрөспүүбүлүкэтин бастакы бэрэсидьиэнин М. Е. Николаев Уурааҕынан 1992 сыллаахха Саха Судаарыстыбаннай үҥкүү ансаамбыла Национальнай үҥкүү тыйаатырыгар кубулуйбута, онно дириэктэринэн Александр Иванович Алексеев анаммыта[1].
Саахал
2025 сыл кулун тутар 5 күнүгэр Александр Алексеев Короленко уулуссатын уонна Ленин проспегын суол быһа охсуутугар ДТП-ҕа түбэспит. Кинини кытта биир массыынаҕа эдьиийэ Февронья Алексеева, РФ үтүөлээх учуутала уонна убайа Андрей Алексеев баар эбиттэр. Ол күҥҥэ Александр эдьиийин кытта өлбүттэрэ. Кулун тутар 6 күнүгэр Андрей Алексеев барбыта[3].
Наҕараадалар
- «Саха Өрөспүүбүлүкэтин култууратын туйгуна» бочуоттаах бэлиэ (1998);
- Саха Өрөспүүбүлүкэтин Бырабыытылыстыбатын грамотата (2002);
- Саха Өрөспүүбүлүкэтин тас сибээс министиэристибэтин махтал суруга (2002);
- Арассыыйа култуура үлэһиттэрин профсоюһун бочуоттаах грамотата (2003);
- Саха Өрөспүүбүлүкэтин Бэрэсидьиэнин грамотата (2005);
- «Саха Өрөспүүбүлүкэтин култууратын үтүөлээх үлэһитэ» бочуоттаах аат (2010);
- Саха Өрөспүүбүлүкэтин Бэрэсидьиэнин махтал суруга (2012);
- Саха Өрөспүүбүлүкэтин Ил Түмэн бочуоттаах грамотата (2015);
- РФ Тыйаатыр үлэһиттэрин сойууһун бочуоттаах грамотата (2015);
- РФ култууратын миниистирин махтала (2016);
- РФ Федеральнай Мунньаҕын сэбиэтин бэрэссэдээтэлин махтала (2016);
- Саха Өрөспүүбүлүкэтин профсоюзтарын бочуотунай грамотата (2017);
- Арассыыйа Федерациятын култууратын үтүөлээх үлэһитэ (2018).