Нуучча тылынанАнал бырайыактар
Тылы уларыт
УРУБИИКИ ТУҺУНАН

Александров Ньургун

Ньургун Прокопьевич Александров (1995 сыл тохсунньу 16 күнэ, Үөһээ Бүлүү улууһа, Саха сирэ) — Арассыыйа спортсмена, көҥүл тустууга Арассыыйа успуордун норуоттар икки ардыларынааҕы кылаастаах маастара.

Олоҕун олуктара

1995 сыл тохсунньу 16 күнүгэр Үөһээ Бүлүү улууһугар төрөөбүтэ[1].

Тириэньэрэ Игнатьев Гаврил Сергеевич.

2011 сыллаахха Бугуруслан куоракка ыытыллыбыт уолаттарга Арассыыйа первенствотыгар 46 кг ыйааһыҥҥа кыайбыта. Ол түмүгүнэн Арассыыйа хамаандатын састаабыгар Венгрияҕа аан дойду уолаттарга первенствотыгар кыттыбыта, финал чэппиэригэр тахсыбыта[1].

2011 сыллаахха Саха сирин оҕо успуордугар сыл бастыҥнарын ахсааныгар киирбитэ.

СӨ Олимпийскай резервэ училищетыгар үөрэммитэ. Ол кэмҥэ тириэньэр Артур Федоров салайыытынан эрчиллибитэ[1].

2016 сыл ахсынньы 15 күнүгэр Арассыыйа успуордун норуоттар икки ардыларынааҕы кылаастаах маастарын аатын ылбыта[2][3].

Успуорка ситиһиилэрэ

Көҥүл тустууга 57 кг ыйааһыҥҥа 2015 сыллаахха Шевалье Нусуев мемориалыгар финалга тахсыбыта. Финалга Артем Гебековка 2:7 ахсаанынан кыайтарбыта[1].

2016 сыллаахха Дмитрий Коркин аатынан норуоттар икки ардыларынааҕы турнир кыайыылааҕа буолбута[4].

2017 сыллаахха Нефтеюганскай оройуон баһылыгын Владимир Семенов бирииһигэр норуоттар икки ардыларынааҕы турнирга 57 кг ыйааһыҥҥа кыайыылаах буолбута. Финалга Расул Машезовы 6:2 ахсаанынан кыайбыта[4].

2019 сыллаахха Дьокуускай куорат аһаҕас чөмпүйүөнээтин Валерий Керемясов кэриэһигэр ыытыллыбыт күрэхтэһиигэ 65 кг ыйааһыҥҥа кыайыыны ылбыта[5].

2020 сыллаахха Ираҥҥа Тахти Кубогун 61 кг ыйааһыҥҥа кыайыылааҕа буолбута. Финалга Мирали Буфасадаты 11:1 ахсаанынан кыайбыта[6].

Наҕараадалара уонна ытык ааттара

  • Арассыыйа успуордун норуоттар икки ардыларынааҕы кылаастаах маастара (2016).[2].

Дьиэ кэргэнэ

  • Аҕата — Прокопий Александров, көҥүл тустууга успуорт маастара;
  • Аҕатын бырааттара Петр уонна Андрей Александровтар успуорт маастардара.
  • Ийэтин өттүнэн эһэтэ Николай Габышев тустууга дьарыктаммыта[1].

Быһаарыылар

  1. ↑ 1 2 3 4 5 Убийца с лицом младенца (рус.). Спорт Якутии. Сигэнии күнэ: 8 Балаҕан ыйын 2026.
  2. ↑ 1 2 АЛЕКСАНДРОВ Ньургун Прокопьевич (рус.). Мастера спорта России. Сигэнии күнэ: 8 Балаҕан ыйын 2026.
  3. ↑ Приказ о присвоении спортивного звания «Мастер спорта России международного класса» (рус.). Мастера спорта России. Сигэнии күнэ: 8 Балаҕан ыйын 2026.
  4. ↑ 1 2 Рассадин и Ньургун Александров стали чемпионами международного турнира (рус.). БезФормата. Сигэнии күнэ: 8 Балаҕан ыйын 2026.
  5. ↑ Звание лучшего борца Якутска завоевал Егор Потапов (рус.). Aartyk.ru. Сигэнии күнэ: 8 Балаҕан ыйын 2026.
  6. ↑ Ньургун Александров — победитель Кубка Тахти в Иране (рус.). Спорт Якутии. Сигэнии күнэ: 8 Балаҕан ыйын 2026.

Категориялар