Нуучча тылынанАнал бырайыактар
Тылы уларыт
УРУБИИКИ ТУҺУНАН

Александров Артем Александрович

Александров Артем Александрович (1980 сыл тохсунньу 20 күнэ) — Арассыыйа судаарыстыбаннай диэйэтэлэ, 2023 сыл алтынньы 4 күнүттэн Саха Өрөспүүбүлүкэтин тыатын хаһаайыстыбатын уонна ас-үөл бэлиитикэтин миниистирэ[1].

Олоҕун олуктара

1980 сыллаахха тохсунньу 20 күнүгэр төрөөбүт[2].

Үөрэҕэ

Үлэтэ

2000—2004 сс. — «Саха Торг» ХЭУо;

2005—2006 сс. — Ньурба улууһун «Таркаайы нэһилиэгэ» МТ Дьаһалтатыгар үлэ;

2006 с. — «Якутоптторг» ААУо сүрүннүүр специалиһа;

2006—2007 сс. — «Дьокуускай куорат» КУо Уокуруктааҕы дьаһалтатын Баай-дуол сыһыаннаһыыларын департаменын Судаарыстыбыннай баай-дуол дьаһалтатын кылаабынай специалиһа;

2007—2009 сс. — Ньурба улууһун «Таркаайы нэһилиэгэ» МТ баһылыга;

2009—2012 сс. — «Ньурба улууһа» МО баһылыгын солбуйааччыта;

2012—2016 сс. — «Норд-2008» ХЭУо генеральнай дириэктэрэ;

2016—2021 сс. —СӨ тыатын хаһаайыстыбатын Министиэристибэтин сүөһү ууһааһынын кэтээн көрүүгэ, кооперацияларга уонна хаһаайыстыба кыра көрүҥнэригэр Департаменын салайааччыта;

Сэтинньи 3 күнэ 2021 с. — балаҕан ыйын 28 күнэ 2023 с. — Саха Өрөспүүбүлүкэтин тыатын хаһаайыстыбатын миниистирин солбуйааччыта[1][2][3].

Саха Өрөспүүбүлүкэтин Баһылыгын 2023 сыл алтынньы 4 күнүнээҕи 49 №-дээх Ыйааҕынан Саха Өрөспүүбүлүкэтин тыатын хаһаайыстыбатын уонна ас-үөл бэлиитикэтин миниистиринэн анаммыт[1].

Кириитикэ

2024 сыллаахха, Улуу Кыайыы 80 сылын көрсө, СӨ тыатын хаһаайыстыбатын уонна ас-үөл бэлиитикэтин министиэристибэтэ бэтэрээннэргэ бэлэх туттартаабыт. Ол курдук, тыыл уонна үлэ бэтэрээнигэр Таисия Хромоваҕа миин буһарарга анаммыт куурусса уҥуоҕа тиксибит. Бу туһунан уопсастыбаннай актыбыыстар киэҥ эйгэҕэ биллэрэн, министиэристибэ салайааччыта Артем Александров бэтэрээннэртэн бырастыы көрдөспүт уонна кинилэргэ атын бэлэх туттарылларын туһунан иһитиннэрбит. Түбэлтэттэн сылтаан министиэристибэ иһинэн бэрэбиэркэ тэриллибит[4].

Наҕараадалара уонна ытык ааттара

  • Саха Өрөспүүбүлүкэтин тыатын хаһаайыстыбатын уонна ас-үөл политикатын Министиэристибэтин Махтал суруга (2017);
  • Саха Өрөспүүбүлүкэтин тыатын хаһаайыстыбатын уонна ас-үөл политикатын Министиэристибэтин Бочуоттаах грамотата (2018);
  • «Саха Өрөспүүбүлүкэтин тыатын хаһаайыстыбатын туйгуна» (2022);
  • Арассыыйа Федерация тыатын хаһаайыстыбатын Министиэристибэтин Махтал суруга (2023 с)[5].

Быһаарыылар

  1. ↑ 1 2 3 Кандидатуру Артема Александрова согласовали на должность министра сельского хозяйства Якутии (рус.). ЯСИА (4 Алтынньы 2023).
  2. ↑ 1 2 3 С днём рождения, Артем Александрович! (рус.). Сайт Государственного Собрания (Ил Тумэн) РС(Я) (20 Тохсунньу 2024).
  3. ↑ 1 2 Артем Александров назначен заместителем министра сельского хозяйства Якутии (рус.). Yakutia-Daily (3 Сэтинньи 2021).
  4. ↑ Якутский министр извинился за суповой набор для ветеранов ко Дню Победы - Газета.Ru | Новости. Газета.Ru. Сигэнии күнэ: 19 Кулун тутар 2026.
  5. ↑ Официальный информационный портал Республики Саха (Якутия) (рус.). Официальный информационный портал Республики Саха (Якутия). Сигэнии күнэ: 18 Кулун тутар 2026.

Категориялар